யும், புனமும்,   கானலும்   ஆகிய   இள   மகளிர்   சென்று விளையாடி
வருதற்குரிய இடங்களாம்.
  

"பூவேய் புன்னையந் தண்பொழில் 

வாவே தெய்ய மணந்தனை செலற்கே"
 

எனவரும்.
 

அல்லகுறிப் படுதலும் அவள்வயின் உரித்தே 

அவன்குறி மயங்கிய அமைவொடு வரினே 

க - து :

பொருள் :தான்   குறியிடத்திற்கு   வந்து  சேர்ந்தமையைத் தலைவன்
புலப்படுத்தும்   அடையாளச்   செய்கைகள்     ஒரோவழித் தலைவனான்
நிகழாமல்  இயற்கையாக நிகழ, அதன் உண்மையறியாமல் தலைவன் செய்த
குறியாக   எண்ணி   மயங்கிய   அமைதியான்   வரின்   தலைவியிடத்து
அல்லகுறிப்படுதலும்   உரியதாகும்.      அல்லகுறி =    குறியல்லாதகுறி.
படுதல்=வருந்துதல்.
 

இருள்வீ நெய்தல் இதழகம் பொருந்திக் 

கழுதுகண் படுக்கும் பானாட் கங்குல் 

எம்மினும் உயவுதி செந்தலை யன்றில் 

கானலஞ் சேர்ப்பன் போல நின்பூ 

நெற்றிச் சேவலும் பொய்த்தன்றோ குறியே
 

இது தலைவன் குறிபொய்த்தான் என மயங்கியது.
 

இடுமணல் எக்கர் அகன்கானற் சேர்ப்பன் 

கடுமான் மணியரவம் என்று - கொடுங்குழை 

புள்ளரவங் கேட்டுப் பெயர்ந்தான் சிறுகுடியர் 

உள்ளரவம் நாணுவர் என்று 

எனவரும். இஃது அல்லகுறி உற்றுமயங்கியது.
  

ஆங்காங் கொழுகும் ஒழுக்கமும் உண்டே 

ஓங்கிய சிறப்பின் ஒருசிறை யான  

க - து :

  

பொருள் : களவின்கண்  தலைவிக்குரியவாக   முன்னர்   ஓதப்பெற்ற
கிளவிகளும்   பிற   மரபுகளுமேயன்றி       அவ்வவ்விடங்களுக்கேற்பத்
தலைவன் மாட்டும் தோழி மாட்டும் செவிலி