உம்மையான் உறுப்பொடு தொடர்புடையவற்றைக் கூறலும் கொள்க.
 

உடம்பும் உயிரும் வாடியக் காலும்

என்னுற் றனகொல் இவையெனின் அல்லதை

கிழவோற் சேர்தல் கிழத்திக் கில்லை

க - து :

பொருள் :தன்மேனியும் ஐம்புலத்துணர்வும் தேய்ந்து மெலிவுற்றபோதும்
இவை  உற்றதுயர்  என்கொல்?  என  அவற்றிற்கு  இரங்குவாள்  போலக்
கூறினல்லது  தலைவன்  உறையும்  இடம்  நாடிச்செல்லுதல்  தலைவிக்குப்
புலனெறி வழக்கு ஆமாறில்லை.
 

கதுமெனத் தாம்நோக்கித் தாமே கலுழும்

இதுநகத் தக்க துடைத்து

எனவரும்
 

ஒ இனிதே எமக்கிந்நோய் செய்தகண்

தாஅம் இதற்பட் டது.

என்பன இதன்பாற்படும்.
 

ஒருசிறை நெஞ்சமொ டுசாவுங் காலை

உரிய தாகலும் உண்டென மொழிப

க - து :

பொருள் :ஒருமருங்கு தலைவி தன் நெஞ்சத்தொடு வினவி உரைக்குங்
காலத்து,  மேல்,  இல்லை  எனப்பட்ட கிழவோன் உறையுமிடஞ் சேர்தல்
உரியதாகலும் உண்டு என்று கூறுவர் புலவர்.
 

ஒரு   சிறை   = ஒரு   கூறு.  என்றது  செயற்படுதலின்றிக் கூற்றாக
நிகழுமிடத்து என்றவாறு.
 

கோடீர் இலங்குவளை நெகிழ நாளும்

பாடில கலுழும் கண்ணொடு புலம்பி

ஈங்கிவண் உறைதலும் உய்குவம் ஆங்கே

எழுஇனி வாழியென் நெஞ்சே முனாது

குல்லைக் கண்ணி வடுகர் முனையது

வல்வேற் கட்டி நன்னாட் டும்பர்