தோழி     இவ்வாறு    படைத்துக்    கூறுவனயாவும்    தலைவனது
காதற்கேண்மையை   மிகுத்து   வரைந்து    எய்தல்    வேண்டுமென்னும்
குறிப்பினவாதலின் இதனை இசை திரிந்திசைக்கும் பொருளியலுள் சார்த்திக்
கூறினார் என அறிக.
 

உயர்மொழிக் கிளவி உறழுங் கிளவி

ஐயக் கிளவி ஆடூஉவிற் குரித்தே 

க - து :

பொருள் :புலனெறி வழக்கின்கண் ஒருவரை ஒருவர் பாராட்டிக் கூறும்
கிளவி தலைவற்கும் தலைவிக்கும்  ஒப்ப உறழ்ந்து  வரும். ஐயுற்றுக் கூறும்
கிளவி தலைவிக்கு ஆகாது தலைவற்கே உரித்தாக வரும்.
 

உறழ்தல்  =  நியதியின்றி  மாறி  வருதல். தலைவி  ஐயுறின் அதனைக்
களைதற்குரிய  கருவியாகிய உரனுடைமை  தலைவிக்கு ஓதப்பெறாமையான்,
அச்சமே  மிகும். அவ்  அச்சத்தாற்  காமக்குறிப்பு அழியுமாதலின் தலைவி
ஐயுறுதல் புலனெறி வழக்கன்று என்க.
 

ஐயக்கிளவியை  வரையறை செய்வாராய் உயர்மொழிக் கிளவியை உடன்
ஓதினார்    என்க.   பின்னர்த்   தோழிக்கும்   உயர்மொழிக்  கிளவியை
எய்துவித்தற் பொருட்டென அறிக.
 

நச்சினார்க்கினியர்  உறழும்  கிளவி என்பதற்கு  எதிர்மறுத்துக்  கூறும்
கிளவி என உரை கூறுவார். அஃது  அவரவர்க்கு ஓதப்பட்ட  கிளவிகளுள்
அடங்குமாதலின் பயனில் கூற்றாய் முடியுமென்க.
 

எ - டு :

சூ. 240 :

க - து :

பொருள் :  உரனுடைமை    பெண்பாற்குரிய   இலக்கணமன்றாயினும்
தலைமக்கட்குக்   கூறும்  இடையூறுகளை  உறாமற்  களைந்து   அவரைப்
போற்றுதல் தோழிக்குரிய  இயல்பாதலின்   அதற்குக்  கருவியாகும். உரன்
என்னும்  அறிவுத்திண்மை  தோழியிடத்தும் உரியதாகும். 'தோழிகண்ணும்'
என்னும் உம்மை விகாரத்தாற் றொக்கது.