4. ஆக்கமாவது : ஒன்றினின்று ஆதற்கியலாத ஒன்று ஆதலும் ஒன்று
பிறிதொன்றாகத் திரிதலுமாம்.
 

புலப்ப லெனச்சென்றேன் புல்லினேன் நெஞ்சம்

கலத்த லுறுவது கண்டு

புலவி கலவியாகத் திரிந்த தென்றலின் இது  தன்கட்டோன்றிய ஆக்கம்
பற்றிப் பிறந்த மருட்கையாம்.
 

அனிச்சமும் அன்னத்தின் தூவியும் மாதர்

அடிக்கு நெருஞ்சிப் பழம்

தனக்கு   மென்மையாயவை    தலைவிக்கு   வன்மையாயின   என்றலின்
பிறர்கட்டோன்றிய ஆக்கம் பற்றிவந்த மருட்கை.
இனிப் பேராசிரியர்,
 

"எருமை யன்ன கருங்கல் லிடைதோ

றானிற் பரக்கும் யானைய முன்பிற்

கானக நாடனை நீயோ பெரும

என்றது.
 

நரிவெரூஉத்தலையார் சாபம்  நீங்கி  நல்லுடம்பு  பெற்றமையான்  தன்கண்
தோன்றிய  ஆக்கம்பற்றி  வியப்புப்  பிறந்ததென்பார்.  நல்லுடம்பு  பெற்ற
நிகழ்ச்சி  அச்செய்யுட்கண்  அமையாமையான்  அது  பொருந்துமாறில்லை
என்க.
 

உறக்கும் துணையதோர் ஆலம்வித் தீண்டி

இறப்ப நிழற்பயந் தாங்கு

என்பதனைப்      பிறபொருளாக்கம்பற்றிப்       பிறந்த     வியப்பிற்கு
எடுத்துக்காட்டுவார்    அவர்.      அஃது      இயற்கை     யாதலன்றி
ஆக்கமாகாமையறிக.
 

இனி   "மதிமை     சாலா    மருட்கை"   என்றமையான்   சிறியோர்
பெருஞ்செயல்புரிதலும் பெரியோர் சிறுசெயல்புரிதலும் வியப்பின் பாற்படுத்து
அடக்கிக் கொள்க.
 

"கிண்கிணி களைந்த கால்" என்னும் புறப்பாட்டு

(புறம்-77) சிறியோன் பெருஞ்செயல் செய்ததாம்.

அன்னான் ஒருவன்தன் ஆண்டகை விட்டென்னைச்

சொல்லுஞ் சொற்கேட்டி சுடரிழாய்

என்பது    பெரியோன்    சிறுசெயல்   புரிந்ததாம்,   பிறவும்   இவ்வாறு
வருவனவற்றை ஓர்ந்து கொள்க.
 

அணங்கே விலங்கே கள்வர்தம் மிறையெனப்

பிணங்கல் சாலா அச்சம் நான்கே

க - து :