அற்றம்பார்த் தல்கும் கடுங்கண் மறவர்தாம்

கொள்ளும் பொருளிலராயினும் வம்பலர்

துள்ளுநர்க் காண்மார் தொடர்ந்துயிர் வௌவலின்

புள்ளும் வழங்காப் புலம்புகொள் ஆரிடை

என்பதனாற் கள்வர் அச்சத்திற்குரியராமாறு கண்டு கொள்க.
 

4. தம்மிறை :என்பது   இரட்டுற     மொழிதலாய்   (தம்    இறை)
அரசனையும்,    வழிபடு     தெய்வத்தையும்    (தம்மிறை)   தாம்புரிந்த
தீவினைக்குற்றத்தையும் குறித்து நின்றது.  எனவே  இவ்இருவகை  பற்றியும்
அச்சம் பிறக்குமென்பதாயிற்று.
 

எருத்துமேல் நோக்குறின் வாழலே மென்னும்

கருத்திற்கை கூப்பிப் பழகி - எருத்திறைஞ்சிக்

கால்வண்ண மல்லாற் கடுமான்றேர்க் கோதையை

மேல்வண்ணங் கண்டறியா வேந்து

என்பது அரசன் பொருளாக அச்சம் பிறந்தது.
 

மன்ற மராஅத்த பேஎமுதிர் கடவுள்

கொடியோர்த் தெறூஉ மென்ப, யாவதும்

கொடியோ ரல்லரெம் குன்று கெழுநாடர்

என்பது தலைவி தலைவன் பொருட்டுத் தெய்வத்தை அஞ்சியதாம்.
 

பகைபாவ மச்சம் பழியென நான்கும் இகவாவாம்  இல்லிறப்பான்  கண்
(குறள்-142)    அச்சமே     கீழ்கள    தாசாரம்    (குறள்-1075)    என
வருவனவற்றான்தமது குற்றம் அச்சத்திற்கு ஏதுவாதலைக்  கண்டு  கொள்க.
இது தன்கண்ணும் பிறர்கண்ணும் என்னும் இருபாலும்  பற்றிவரும்.  ஏனைய
பிற பொருட்டாயே வருமெனக் கொள்க. "பிணங்கல் சாலா" என்றதனான்.
 

அஞ்சுவது அஞ்சாமை பேதைமை அஞ்சுவது 

அஞ்சல் அறிவார் தொழில் 

என்றதனான்   பழியொடுவருவன   பற்றி   அஞ்சும்   அச்சமும்   இதன்
பாற்படுத்துக் கொள்க.
 

கல்வி தறுகண் இசைமை கொடையெனச்

சொல்லப் பட்ட பெருமிதம் நான்கே

க - து :