4. கொடையாவது :வரையாது    வழங்கும்     வண்மை.    அஃது ஈகைபோலாது   செல்வமேயன்றி    உயிரும்    உடம்புமாகிய   பொருள்
யாவற்றையும் வழங்குதலாம்.
 

முந்நூறூர்த்தே தண்பறம்பு நன்னாடு

முந்நூறூரும் பரிசிலர் பெற்றனர்

பாடுபெறு பரிசிலன் வாடினன் பெயர்தலென்

நாடிழந் தனினும் நனியின் னாதென

வாள்தந்தனனே தலையெ மக்கீய

அவிர்சடை முனிவரும் மருளக் கொடுஞ்சிறைக்

கூருகிர்ப் பருந்தின் ஏறுகுறித் தொரீஇத்

தன்னகம் புக்கக் குறுநடைப் புறவின்

தபுதி யஞ்சிச் சீரை புக்க

வரையா ஈகை உரவோன்"

எனவரும்.
 

"சொல்லப்பட்ட"  என்றதனான்  பல்லிருங்க  கூந்தல்  மகளிர்  ஒல்லா
முயக்கிடைக்  குழைக  என்தாரே  (புறம்-73)  எனக்  காமஒழுக்கம்  பற்றி
வரும் வீறும் பெருமிதமாக அடங்குமெனக் கொள்க. இவை  நான்கும்  தன்
கட்டோன்றிய பொருள் பற்றிப் பிறக்குமென்க.
 

உறுப்பறை குடிகோள் அலைகொலை என்ற

வெறுப்பின் வந்த வெகுளி நான்கே

க - து :
 

பொருள் :வெறுப்பினான் வந்த வெகுளியென்னும்  மெய்ப்பாட்டிற்குக்
காரணமாகிய பொருள் உறுப்பறை  குடிகோள்  அலை  கொலை  என்னும்
நான்குமெனக் கூறுவர் புலவர்; இவை நான்கும் பிறர்  கட்டோன்றுவனவாய்
நிகழும்.
 

1. உறுப்பறையாவது :உறுப்புக்களைச் சிதைத்தலும் ஊறுபடுத்தலுமாம்.
உறுப்பாவது  கை, கால்,  கண், செவி  முதலிய  உடலுறுப்புக்களும்,  தூது,
ஒற்று, அமைச்சு முதலிய அரச உறுப்புக்களுமாம்.
 

முறஞ்செவி மறைப்பாய்பு முரண்செய்த புலிசெற்று

.... ..... ...... ....... ....... ....... ................. ....... ......... ........ 

எனவரும்.
 

2. குடிகோளாவது :  தன்குடிமைக்கும்     தன்னாற்    புரக்கப்படும்
குடிமக்களுக்கும் தீங்கிழைத்தல். கொளுவுதல் கோள் என நின்றது.