| பெருமுலை யலைக்கும் காதின் பிணர்மோட்டு |
| உருகெழு செலவின் அஞ்சுவருபேய் மகள் |
(முருகு-50-51)
|
என்புழிப் பேய்மகளின் தன்மை புலப்பட்டவாறு காண்க.
|
ஈண்டிஃது அச்சத்திற்குப் பொருளாக அமைந்தது.
|
| சீரை தைஇய உடுக்கையர் சீரொடு .............. |
| துனியில் காட்சி முனிவர் |
(முருகு-126, 137)
|
இதன்கண் முனிவர் தம் தன்மை புலப்படுமாறும் அது மருட்கைக்கும்,
பெருமிதத்திற்கும் பொருளாக அமையநிற்குமாறும் கண்டு கொள்க. தன்மை எண்வகை மெய்ப்பாட்டிற்கும் பொருளாதற் குரியதாகும்.
|
6. அடக்கமாவது :செல்வமும் ஒளியும் மிகினும், இகலும் இகழ்ச்சியும்
நேரினும் பொங்காது நிற்கும் பொறையும் உயர்ந்தோர் மாட்டுப்
பணிந்தொழுகும் ஒழுக்கமுமாம்.
|
| எ - டு : | 'கேட்டல் மாத்திரை யல்லது' என்னும் புறப்பாட்டினுள் |
| தன்பெயர் கிளக்குங் காலைத் தன்பெயர் |
| பேதைச் சோழன் என்னும் |
(புறம்-216)
|
இதன்கண் கோப்பெருஞ்சோழன் அடக்கம் புலப்படுமாறு காண்க.
|
| ஆன்றவிந் தடங்கிய கொள்கைச் |
| சான்றோர் பலர்யான் வாழு மூரே |
(புறம்-191)
|
என்பதுமது. இஃது உவகைக்குப் பொருளாக அமையும்.
|
7. வரைதலாவது :இன்னது செய்வல் இன்னது தவிர்வல் என
நியமித்துக் கொண்டு ஒழுகும் ஒழுக்கம்.
|
| எ - டு : | பார்ப்பார்க் கல்லது பணிபறி யலையே |
| பணியா உள்ளமொடு அணிவரக் கெழீஇ |
| நட்டோர்க் கல்லது கண்ணஞ் சலையே
|
எனவரும்.
|
8. அன்பாவது :தொடர்புடையார் மாட்டும், நட்டார் மாட்டும் தம்
விருப்புடைய பொருள்கள் மாட்டும் செலுத்தும் கைம்மாறு கருதாத நேயம்.
|
| எ - டு : | சிறியிலை நெல்லித் தீங்கனி குறியாது |
| ஆதல் நின்னகத் தடக்கிச் |
| சாதல் நீங்க எமக்கீத் தனையே |
(புறம்-91)
|
இதன்கண் கைம்மாறு கருதாத அதியமான் அன்பு புலப்பாடாதல் காண்க.
|
| இருமருப் பெருமை ஈன்றணிக் காரான் |
| உழவன் யாத்த குழவியின் அகாலாது |
| பாஅல் பைம்பயிர் ஆரும் |
(குறுந்-181)
|
எனவும் வரும். இஃது உவகைக்குப் பொருளாக அமையும். |