28. பொறாமையாவது :செருக்கும் திறலும் காரணமாக ஒன்றைப்
பொறுத்தலாற்றாத பண்பு.
|
| எ - டு : | வையங் காவலர் வழிமொழிந் தொழுகப் |
| போகம் வேண்டிப் பொதுச்சொற் பொறாஅது |
| இடம்சிறிதென்னும் ஊக்கந் துரப்ப |
(புற-8)
|
எனவரும். இது பெருமிதத்திற்குப் பொருளாக வரும்.
|
அழுக்காறு என்னும் பொறாமை வேறு ; இதுவேறு என உணர்க.
அழுக்காறு அறனில் குணமாகலின் அதனை மெய்ப்பாட்டிற்குரிய
பொருளாகக் கூறுதல் ஒவ்வாதென அறிக.
|
29. வியர்த்தலாவது :இகல் காரணமாக வரும் உள்ளப் புழுக்கம்,
மெய்ப்புழுக்கம் சிறுபான்மைவரினும் கொள்க.
|
| எ - டு : | பொள்ளென ஆங்கே புறம்வேரார் காலம்பார்த்து |
| உள்வேர்ப்பர் ஒள்ளி யவர் |
(குறள்-487)
|
இது வெகுளிக்குப் பொருளாக வரும்.
|
"பெயர்த்தனென் முயங்கயான் வியர்த்தனென் என்றனள்" என்பது
மெய்ப்புழுக்கம். இஃது இளிவரல் பற்றி வரும்.
|
30. ஐயமாவது :ஒரு பொருளை இன்னது என வரைந்துணர்தற் காகாத மனத்தடுமாற்றம்.
|
| எ - டு : | செருப்பிடைச் சிறுபரலன்னன் |
| ...... ....... ....... ....... ........ ........ ....... ......... ......
|
| யார்கொலோ அளியன் தானே, தேரின் |
| ஊர்பெரி திகந்தன்று மிலனே, அரண்எனக் |
| காடுகைக் கொண்டன்று மிலனே |
(புற-257)
|
எனவரும்.
|
| நாடனென்கோ ஊரனென்கோ |
| பாடிமிழ் பனிக்கடல் சேர்ப்ப னென்கோ |
| யாங்ஙனம் மொழிகோ ஓங்குவாட் கோதையை |
(புற-49)
|
என்பதுமது. ஈண்டு இஃது உவகைக்குப் பொருளாக நின்றது. இது பிற
மெய்ப்பாட்டிற்குரிய பொருளாகவும் வரும்.
|
31. மிகையாவது :பழிவழிச் செல்லும் செருக்கு - குற்றம்.
|
| எ - டு : | மன்னிய சென்ற ஒண்ணுத லரிவை |
| புனல்தரு பசுங்காய் தின்றதன் தப்பற்கு |
| ஒன்பதிற் றொன்பது களிற்றொடு அவள்நிறை |