| நனந்தலை யுலகமும் துஞ்சும் |
| ஓர்யான் மன்ற துஞ்சா தேனே |
(குறு-6)
|
எனவரும். இஃது அவலத்திற்குப் பொருளாக அமையும்.
|
10. கனவொடு மயங்கலானது : தன்னுணர்வின்றி ஒருகால்
துயிலெய்திய வழி நேர்ந்த கனவிடத்துக் காதலனைக் கண்டு களித்து,
விழித்த விழிக் காணாமையின் கலங்குதல்.
|
| எ - டு : | கோதை கோலா, இறைஞ்சி நின்ற |
| ஊதையஞ் சேர்ப்பனை அலைப்பேன் போலவும் |
| யாதென் பிழைப்பென நடுங்கி ஆங்கே |
| பேதையைப் பெரிதெனத் தெளிப்பான் போலவும் |
| கனவினாற் கண்டேன் தோழி காண்தக |
(கலி-128)
|
எனவரும். இது மருட்கைக்கும் அவலத்திற்கும் பொருளாக அமையும்.
இச்செய்யுள் கற்பிற்குரியது. கனவு என்ற முறையில் ஈண்டுத் தரப்பட்டது.
|
11. பொய்யாக் கோடலாவது :தலைவன் தண்ணளி செய்யவும்
பிரிவச்சத்தான் அதனைப் பொய்யாகக் கற்பித்துக் கொண்டு இனைதல்.
|
| எ - டு : | கனவினான் எய்திய செல்வத் தனையதே |
| ஐய எமக்குநின் மார்பு |
(கலி-68)
|
எனவும்
|
| வானின் இலங்கு மருவித்தே தானுற்ற |
| சூள்பேணான் பொய்த்தான் மலை |
(கலி-41)
|
எனவும் வரும். இஃது இளிவரலுக்குப் பொருளாக அமையும்.
|
12. மெய்யே என்றலாவது :தலைவன் மாட்டுப் பொய்ம்மை
நிகழினும் தன் காதன் மிகுதியான் அதனை மெய்ம்மையாகக் கருதிக்
கொள்ளுதல்.
|
| எ - டு : | கானங் காரெனக் கூறினும் |
| யானோ தேறேன் அவர்பொய் வழங்கலரே |
(குறு-21)
|
எனவரும். இது பெருமிதத்திற்குப் பொருளாக அமையும்.
|
13. ஐயஞ் செய்தலாவது :தலைவன் சொல்லையும் செயலையும்
ஐயுற்றுக் கருதுதல்.
|
| எ - டு : | ஒண்ணுதல் நீவுவர் காதலர் மற்றவர் |
| எண்ணுவ தெவன்கொல் அறியேன் என்னும் |
(கலி-4)
|
இஃது இளிவரலுக்குப் பொருளாக அமையும். |