| உள்ளினும் உள்ளம் வேமே உள்ளாது |
| இருப்பினெம் அளவைத் தன்றே வருத்தி |
| வான்றோய் வற்றே காமம் |
| சான்றோ ரல்லர் யாம்மரீஇ யோரே |
(குறு-102)
|
எனவரும். இஃது இளிவரலுக்குப் பொருளாக அமையும்.
|
8. கட்டுரையின்மையாவது : துஞ்சிச் சேர்ந்து கையறவுற்ற நிலையில்
பிறரைக் கழறிஉரைக்கும் மன எழுச்சியின்றி வாய் வாளாதிருத்தல்.
கட்டுரைத்தல் - கழறியுரைத்தல்.
|
| எ - டு : | .......................... துறைவன் |
| குறியா னாயினும் குறிப்பினும் பிறிதொன்று |
| அறியார்க் குரைப்பலோ யானே எய்தவிப் |
| பணையெழில் மென்றோள் அணைஇய அந்நாள் |
| பிழையா வஞ்சினம் செய்த |
| களவனும் கடவனும் புணைவனு மவனே |
(குறு-318)
|
எனவரும். இதன்கண் அறியார்க்குரைப்பலோ என்றது காண்க.
|
இது இளிவரலுக்குப் பொருளாக அமையும்.
|
இதற்கு உரைமறுத்திருத்தல் எனப் பொருள் கூறுவர்
உரையாசிரியன்மார். அது கருத்தாயின் ஆசிரியர் உரையாமை,
உரையாடாமை, உரைமறுத்திருத்தல் என்றாற் போலக் கூறுவரன்றிக்
கட்டுரை என இங்ஙனம் அடைகொடுத்துக் கூறார் என்க. மேலும்
உரையாடாமை என்பது மெய்ப்பாட்டுப் பொருளாதற்குச் சிறவாமையும்
ஓர்ந்து கொள்க.
|
| சூ. 273 : | தெய்வ மஞ்சல் புரையறந் தெளிதல் |
| இல்லது காய்தல் உள்ள துவர்த்தல் |
| புணர்ந்துழி யுண்மைப் பொழுதுமறுப் பாக்கம் |
| அருள்மிக உடைமை அன்புதொக நிற்றல் |
| பிரிவாற் றாமை மறைந்தவை யுரைத்தல் |
| புறஞ்சொல் மாணாக் கிளவியொடு தொகைஇச் |
| சிறந்த பத்தும் செப்பிய பொருளே |
(24)
|
க - து : | புகுமுகம் புரிதல் முதலாகக் கட்டுரையின்மை யீறாகக்
களவிற்கும் வரைவிற்கும் நிமித்தமாகிய பொருள்களைத்
தொகுத்துணர்த்தி, இச்சூத்திரத்தான் வரைந்தெய்தும் அழிவில்
கூட்டமாகிய கற் பொழுக்கத்திற்கு உரியவற்றுள
சிறப்புடையவற்றைத் தொகுத்து இவையும் மேலனபோல
மெய்ப்பாடு தோன்றுதற்குரிய பொருளாகும் என்கின்றது. |