6. அருள்மிக உடைமையாவது : தலைவனது புறத்தொழுக்கம் முதலியவை பற்றி முனியாது அவனது தலைமைப் பாட்டினைப் போற்றி ஒழுகல்.
|
| எ - டு : | ............. எல்லா, புலப்பென்யான் |
| என்பேன் மன்அந் நிலையே அவற்காணின் |
| கலப்பென் என்னுமிக் கையறு நெஞ்சம் |
(கலி-67)
|
எனவரும். இது தலைவன் மாட்டு அருள்மிக்கது.
|
| "நாயுடைமுதுநீர்" என்னும் அகப்பாட்டினுள் |
| களவுடம் படுநரிற் கவிழ்ந்து நிலங்கிளையா |
| நாணி நின்றோள் நிலைகண் டியானும் |
| பேணி னெனல்லனோ |
(அகம்-16)
|
என்பது பரத்தைமாட்டு அருள்மிக்கது. பிறவும் இவ்வாறு வருவன கண்டு
கொள்க. இது பெருமிதத்திற்குப் பொருளாக அமையும்.
|
7. அன்புதொக நிற்றலாவது : புரையறந்தெளிந்த அறிவினளாயினும்
புலவி, புணர்ச்சி உவகையைத் தோற்றுவித்தலின் தலைவன் மாட்டுச்
செல்லும் தன் பேரன்பினைத் தலைவி அவற்குப் புலப்படாது மறைத்தல்.
தொகுதல் - மறைதல்.
|
| எ - டு: | என்னைநீ செய்யினும் உரைத்தீ வாரில் வழி |
| முன்னடிப் பணிந்தெம்மை உணர்த்திய வருதிமன் |
| நிறைதொடி நல்லவர் துணங்கையுள் தலைக்கொள்ளக் |
| கரையிடைக் கிழிந்த நின் காழகம் |
| வந்துரையாக்கால் |
(கலி-73)
|
எனவும்.
|
| அணியொடு வந்தீங்கெம் புதல்வனைக் கொள்ளாதி |
| மணிபுரை செவ்வாய், நின்மார்பகம் நனைப்பதால் |
| தோய்ந்தாரை அறிகுவேன் யான்எனக் கமழும்நின் |
| சாந்தினாற் குறிகொண்டாள் சாய்குவள் அல்லளோ |
(கலி-79)
|
எனவும் வரும். இதுவும் உவகைக்குப் பொருளாக வரும்.
|
இதற்கு இல்லறத்தின்மேற் பெருகிய விருப்பினானே களவுக்காலத்து
விரிந்த அன்பெல்லாம் ஒருங்குகூடி நிற்றல் என்பார் பேராசிரியர்.
அப்பொருள் மெய்ப்பாட்டுப் பொருளாதற்குச் சிறவாமையானும். இங்ஙனம்
புலவியாற் கூறும் பொருள்பற்றி மெய்ப்பாடு தோன்றுதல் இன்றியமையாச்
சிறப்பினது ஆகலானும், மேல் அருள்மிக உடைமை எனக் |