சூத்திரத்தான் விலக்குவரெனின், அதற்கு உம்மை விரித்துக் கிழவி நிலையை வினைசெய்யா
நிற்றலாகிய இடத்து நினைந்து கூறினனாகக் கூறார்13 வெற்றி நிகழுமிடத்துந் தான் குறித்த பருவம்
வந்துழியுந் தூது கண்டுழியும் மூவருத்தம் விளக்கிக் கூற்றுத் தோன்றுமென்று பொருளாமென்றுணர்க.
|
முடிந்த காலத்துப் பாகனொடு விரும்பிய வினைத்திற வகையினும் - வகையின் வினைத்திறமுமென
மாற்றுக. வேந்தன் எடுத்துக்கொண்ட வினை முடிந்த காலத்துத்தான் போக்கொருப்பட்டு நின்று
பாகனொடு விரும்பிக் கூறிய வகையிட்டோன்றிய வேறொரு வினைத்திறத்திடத்தும்;
|
என்றது, அரசனுக்குப் பின்னும் ஒரு பகைமேற் சேறல் உளதாதலை.
|
காவற்பாங்கின் பக்கமும் - வேந்தன் றன்னாற் காக்கப்படுவனவாகிய பகுதிகளின் கூற்றிற்
பிரியுமிடத்தும்;
|
பகுதி ஆகுபெயர்; அவை யானை குதிரை முதலியவற்றைக் காத்தலும் அரசர்க்குத் தருமமாகிய
வேட்டையிற் சென்று கடுமா கொன்று ஏனையவற்றைக் காத்தலும் முதலியன.
|
ஆங்கோர் பக்கமும் - அவன் காத்தற்குரிய பகுதிக்கண்ணே நிற்பார் கூற்றிற் பிரியுமிடத்தும்;
|
அவர் தாபதர் முதலியோர் பலருமாம்.
|
பரத்தையின் அகற்சியிற் பிரித்தோட் குறுகி இரத்தலும் தெளித்தலும் என இருவகையோடு -
பரத்தையிற் பிரிதற் காரணத்தாற் பரிபுலம் பெய்திய தலைவியை எய்தி இரத்தலும் இரந்த பின்னர்
ஊடலுணர்த்தலும் என்ற இரு பகுதியோடே; உரைத்திற நாட்டம் கிழவோன் மேன - மேற்கூறிய
இடங்களிற் கூற்று நிகழுங் கூறுபாட்டை நிலைபெறுத்தல் தலைமகனிடத்தனவாம் என்றவாறு. |
13 கூறார் இலக்கண நூலார் கூறார்.
கிழவி நிலையே வினையிடத் துரையார்
வென்றிக்காலத்துவிளங்கித் தோன்றும்- (கற்பியில்15) |