:: TVU ::

110	நன்னூல் மூலமும், மயிலைநாதருரையும்

சாரியை முதலானவை ஏனைமூன்றிடத்து வரவும்பெறும். அவை ஆங்காங்கு எடுத்துச்சொல்லுவான்புகிற் ⁶பெருகுதலிற் சுருங்குதற்பொருட்டுப் பொதுப்படக் கூறினாரெனக்கருதி அவ்விடங்கட்கு வேண்டுவன அறிந்து வருவித்துப்புணர்க்க வென்க. வ - று. கரியானென்னும் பகுபதமுடிப்புழிப் பண்புப்பகுதி ஈறுகெடுமெனக்கூறினார்; அதனானே கருநீலமெனப் ⁷பதமுடிப்புழியும் கெடுக்க. புளியங்காயெனப் பதமுடிப்புழி, உருபுபுணர்ச்சிக்கட் சொன்ன சாரியை வருதலும், சாரியையீற்றுமகரம் மகரவீற்றுப் புணர்ச்சிபோலத் திரிதலும் கொள்க. உருபுபுணர்ச்சிக்கண் நீயென்பது நின்னெனநிற்குமென்றார்; அவ்வாறே பொருட்புணர்ச்சிக்கண்ணும் நின்கையெனப் புணர்க்க. இவ்வாறே பிறவும் வருவித்துக்கொள்க. ‘ஓர்ந்து’ என்பது ஏற்புழிக் கோடற்கென்க. (பி - ம்.) ¹ விதியுளோர்ந் ² எவ்வகை ³ (1) ஒப்பதோர் (2) இயைவதோர்⁴ இவையெல்லா ⁵ (1) என்ன; (2) என் ⁶ பெருத்தலிற் ⁷ பதம்புணர்ப்புழியும்
(15)
	(254)	இயல்பின் விகாரமும் விகாரத் தியல்பும் உயர்திணை யிடத்து விரிந்துந் தொக்கும் விரவுப் பெயரின் விரிந்து நின்றும் அன்ன பிறவு மாகுமை யுருபே.
எ - ன், ஐகாரவேற்றுமைத்திரிபு தொகுத்துணர்த்துதல்நுதலிற்று. (இ - ள்.) இவ்வாறு வரப்பெறும், ஐகாரவேற்றுமை; உருபினும் பொருளினும் எ-று. வ - று. இயல்பின்விகாரமாவது, “வழிபடு தெய்வ நிற்புறங்காப்ப” (தொல். செய். 110) என்பது. விகாரத்தியல்பாவன, மண்கொணர்ந்தான் பொன் கொணர்ந்தானென்பன. உயர்திணையிடத்துவிரிந்துநின்றன, நம்பியைக்கொணர்ந்தான் நங்கையைக்கொணர்ந்தானென்பன. உயர்திணையிடத்துத் தொக்குவந்தன, மகற்பெற்றான் மகட்பெற்றானென்பன. விரிவுப் பெயரின்விரிந்துநின்றன, கொற்றனைக்கொணர்ந்தான் கொற்றியைக் கொணர்ந்தானென்பன. ‘அன்னபிறவும்’ என்றதனால், ¹வில்லைக்கொள் வில்கொள் விற்கொள் என்பனபோல்வனவுங் கொள்க. (பி - ம்.) ¹ஆடூஉவறிசொல் (தொல். கிளவி. 2), மகடூஉவறிசொல், வில்லைக்கொள்.
(16)