:: TVU ::

130	நன்னூல் மூலமும், மயிலைநாதருரையும்

“கன்னித் தென்கரைக் கட்பழந் தீவம், சிங்களங் ¹⁴கொல்லங் கூவிள மென்னும், எல்லையின் புறத்தவு மீழம் பல்லவம், கன்னடம் வடுகு கலிங்கந் தெலிங்கம், கொங்கணந் துளுவங் குடகங் குன்றம், என்பன குடபா லிருபுறச் சையத், ¹⁵ துடனுறைபு பழகுந் தமிழ்திரி நிலங்களும், முடியுடை மூவரு மிடுநில வாட்சி, ¹⁶அரசுமேம் பட்ட குறுநிலக் குடிகள், பதின்மரு முடனிருப் பிருவரும் படைத்த, பன்னிரு திசையிற் சொன்னய முடையவும்” என்றார் அகத்தியனார். (பி - ம்.) ¹ தென்றும் அவற்றுள்ளும் ² தெற்கும் ³ வடக்கும்⁴ வேண் ⁵ யருவாவதன் ⁶ கிழவென்றும் ⁷ அருவாநாட்டார் ⁸ அருவாவடதலையார் ⁹ (1) மலாடர், (2) மலாடுநாட்டார், (3) மலையமானாட்டார் ¹⁰ தெலுங்குவங்கங்கலிங்கம் ¹¹ தமிழ்ப்புவி சூழ்¹² காம்போதியீழம் ¹³ பல்லவம்வங்கம் ¹⁴ கொல்லமென்னும்¹⁵ துடனுறைபுறழபழகுந் ¹⁶ ஆட்சியாகமெயப்பட்ட
(14)
	(273)	பொதுவெழுத் தானுஞ் சிறப்பெழுத் தானும் ஈரெழுத் தானு மியைவன வடசொல்.
எ - ன், நிறுத்தமுறையானே வடமொழியாவன உணர்த்துதல் நுதலிற்று. (இ - ள்.) தமிழிற்கும் ஆரியத்திற்கும் பொதுவான எழுத்தானும் ஆரியத்திற்கேயுரிய எழுத்தானும் ¹ இவ்விரண்டெழுத்தானும் நடப்பனவாம், ஆரியச்சொற்கள் எ - று. வ - று. அமலம், இராகம், உபமம், ஏகம், ஓது (பூனை); கமலம், கீர்த்தி, குங்குமம், ²கோபம்; சரணம், சிக்கணம், சஞ்சு (பறவையின்மூக்கு), சௌளம்; ஞானம், ஞேயம்; ³இடங்கணம்; தமாலம், தாரம், திலகம், தீரம்; நாமம், நீலம், நூனம்; பானம், பீனம், புராணம்; மனம், மானம், மீனம், மூலம், மௌனம்; யானம், யூபம், யோகினி, யௌவனம்; இராவணன், உரூபம், உரோமம்; இலிபி, உலூதம், இலேபம், உலோபம்; வாரம், வீரம், வேணு, வைரம் என்றற்றொடக்கத்தன பொதுவெழுத்தான் வருவன. கந்தம், சேதம், சதம், ⁴இட்டம், திண்டிமம், தீர்க்கம், போதம், போகம், சத்தம், சட்டம், சுகம், சிங்கம், குதை என்றற்றொடக்கத்தன ஆரியத்திற்கேயுரிய எழுத்தான் வருவன. அரன் அரி, அயன் ⁵அருகன்; கடினம், குரகம், கீதம், கனம்; சண்டம், சலம், சாதி, சச்சரை; துரங்கம், தூலம், தூரம், துரை; பாடம், பலம், பேரம், பூதம்; மோகம்; யாகம், இராகம்; வந்தனை; சூலம்; நட்டம்; ஆரம்; சோமன், தூளி; பக்கம் என்றற்றொடக்கத்தன பொதுவும் சிறப்புமான ஈரெழுத்தானும் வருவன. இஃது, ஒரு நிலத்திற்கேயுரியதன்றிப் பதினெண் பூமிக்கும் விண்ணிற்கும் புவனாதிகட்கும் பொதுவாய்வருதலின், திசைச்சொல்லின் அடக்காது வேறோதினாரென்க. ⁶அஃதென்னை? வடக்கண்மொழியென்றாராலோவெனின், ஆண்டு வழக்குப்பயிற்சியை நோக்கி அவ்வாறு கூறினாரென்க.