:: TVU ::

14	நன்னூல் மூலமும், மயிலைநாதருரையும்

சிறப்புப்பாயிரம் பிறர்செய்தற்குக் காரணம்
	(51)	தோன்றா தோற்றித் துறைபல முடிப்பினும் தான்றற் புகழ்த றகுதி யன்றே.
(இ - ள்.) நூல்செய்தோன் பாயிரஞ்செய்தல் இயல்பன்று எ - று.
(51)
	(52)	மன்னனுடை மன்றத் தோலைத் தூக்கினும் ¹ தன்னுடை யாற்ற லுணரா ரிடையினும் ² மின்னிய வவையிடை வெல்லுறு பொழுதினும் தன்னை மறுதலை பழித்த காலையும்
	5	தன்னைப் ³புகழ்தலுந் தகும்புல வோற்கே.
(இ - ள்.) ⁴ நூல்செய்தோன் பாயிரஞ்செய்யிற் றன்னைப்புகழ்ந் தானாம்; ஆகவே தன்னைப்புகழ்தல் தகுதியன்றென்றார்; ஈண்டுச் சொன்ன ⁵ இடங்களினாயின், தன்னைப் புகழ்தலும் தகும் எ - று. இவ்விரண்டு சூத்திரமும் * ⁶ பனம் பாரம். (பி - ம்.) ¹ தன்னிடை ² மன்னிய ³ புகழ்வதும் ⁴மேல்நூல்செய்தவன் ⁵ இடங்களிற்றன்னை ⁶ பனம்பாரனார்; பனம்பாரனம்; பன்னிபாரம்.
(52)
பாயிரம் நூற்கு இன்றியமையாததென்பது
	(53)	ஆயிர முகத்தா னகன்ற தாயினும் பாயிர மில்லது பனுவ லன்றே.
(இ - ள்.) அளவிறந்த இடத்ததாய்ப் பரந்ததாயினும் பாயிரமில்லாதது நூலன்று எ - று. ஈண்டுப் பாயிரமென்றது சிறப்புப்பாயிர மென்றுணர்க.
(53)
	(54)	மாடக்குச் சித்திரமு ¹ மாநகர்க்குக் கோபுரமும் ஆடமைத்தோ ணல்லார்க் கணியும்போல் - நாடிமுன் ஐதுரையா நின்ற ² வணிந்துரையை யெந்நூற்கும் பெய்துரையா வைத்தார் பெரிது.
எ - ன். இஃது அச்சிறப்புப்பாயிரத்தைச் சிறப்பித்ததெனக் கொள்க. அஃதேல் நூல்கேட்கப்புகுந்தார்க்குப் புறவுரைகேட்டுப் பயன் என்னையோவெனின்,கொழுச்சென்றவழித் துன்னூசி இனிது செல்லுமாறுபோலப் பருப்பொருட்டாகிய பாயிரங்கேட்டார்க்கு நுண்பொருட்டாகிய நூல் இனிது விளங்குமென்பதனாலும், ³‘சிலவெழுத்தினானியன்ற நூற்கு இன்றியமையாத பாயிரமறியாதாய்!