:: TVU ::

150	நன்னூல் மூலமும், மயிலைநாதருரையும்

	(299)	ஆற னொருமைக் கதுவு மாதுவும் பன்மைக் கவ்வு முருபாம் பண்புறுப் பொன்றன் கூட்டம் பலவி னீட்டம் திரிபி னாக்க மாந்தற் கிழமையும் பிறிதின் கிழமையும் பேணுதல் பொருளே.
எ - ன், நிறுத்தமுறையானே ஆறாம்வேற்றுமையாமாறு உணர்த்துதல் நுதலிற்று. (இ - ள்.) ஆறாம்வேற்றுமையின் ¹ஒருமைப்பொருண்மைக்கு² அதுவும் ஆதுவும், பன்மைப்பொருண்மைக்கு அவ்வும் உருபாம். பண்பும் உறுப்பும் ஒருபொருட்டிரட்சியும் பலபொருட்டிரட்சியும் ஒன்று திரிந்து ஒன்றாதலுமாகும் ³ஐந்துதற்கிழமையும் பிறிதின்கிழமையும் போற்றுதல் அதற்குப்பொருளாம் எ - று. “ஆற னுருபே ⁴யதுவா தவ்வும், வேறொன் றுரியதைத் தனக்குரி யதையென, விருபாற் கிழமையின் ⁵மருவுற வருமே, ஐம்பாலுரிமையு மதன்றற் கிழமை” என்றார், அகத்தியனார். வ - று. சாத்தனது இயல்பு; இளமை, வன்மை, குறுமை, உண்மை, நன்மை, நிறம், உணர்வு, கல்வி, கேள்வி என்பவை பண்புத்தற்கிழமை; சாத்தனதுசெலவு, நிலை, இருக்கை, உணவு, செய்கை ⁶என்றற்றொடக்கத்து வினைகளும் ஈண்டுத் தொழிற்பண்பாயடங்குமெனக்கொள்க. சாத்தனதுகை, யானையதுகோடு, வாழையதுபழம், ⁷தேரதுதட்டு, செய்யுளதடி என்பன உறுப்புத்தற்கிழமை; நெல்லது குப்பை, எள்ளது ஈட்டம், கொள்ளதுகுழாம், ஆனையதுதொகை, மாந்தரதுதொகுதியென்பன ஒன்றன் கூட்டத்தற்கிழமை; படையது தொகை, விலங்கினது ஈட்டம், மரத்ததுகுழாமென்பவை ⁸பலவினீட்டத்தற்கிழமை; கொள்ளதுநூறு, எள்ளது சாந்து, நெல்லதுசோறு, பயற்றதுகும்மாயமென்பவை திரிபுத்தற்கிழமை; சாத்தனதுஆடை, அரசனதுஆழி, ஆவினதுகன்று, கபிலரதுபாட்டு என்பவை பிறிதின்கிழமை. ⁹எனாதுகை, தனாதுதாள், நினாதுநிறம் எ - ம், எனாதெயில், நினாதுநிலம், தனாதுதரை எ - ம் இருகிழமைக்கண்ணும் அதுவும் ஆதுவும் வந்தவாறு. எனகைகள், நினதோள்கள், தனதாள்கள் எ - ம், எனயானைகள், நினநிரைகள், தனதானைகள், “உய்த்துச், சொரியினும் போகா தம” (குறள். 376) எ - ம் இருகிழமைக்கண்ணும் அகரவுருபுவந்தவாறு. (பி - ம்.) ¹ஒருமைக்கு ²அதுவென்பதுவும் ஆதென்பதுவும் ³இந்த ஐந்து, ⁴அதுவும் ஆதுவும் வேறொன்றுடையதை ⁵பொருளுற்றுவருமே ⁶என்றற்றொடக்கத்தன ⁷தேரதுசெதிள், தட்டு, தடி ⁸ (1) பலகுழீஇய தற் கிழமை; (2) பலவியற்றற்கிழமை ⁹எனது, எனாது..........
(43)
	(300)	ஏழ னுருபு கண்ணாதி யாகும் பொருண்முத லாறு மோரிரு கிழமையின் இடனாய் நிற்ற லிதன்பொரு ளென்ப.