(இ - ள்.) இ உ ஊ ஐ ஓ ன ள ர ல ய என்னும் பத்தீற்று உயர் திணைப்பெயரும், இவற்றுள் ஓகாரமும் ரகாரமுமான இரண்டும் ஒழித்து நின்ற இவற்றுடனே ணகாரஆகாரங்களை ஈறாகவுடைய 1பத்துப் பொதுப் பெயரும், ஞகாரநகாரங்களும் மேலையதிகாரத்துள் அளபின்கண் அல்லது ஈறாகாதென்று விலக்கின எகாரமுமொழித்து ஒழிந்த இருபத்தோரீற்று அஃறிணைப்பெயரும் விளியேற்பனவாம்எ - று.      ஏனையீற்றுப்பெயர்கள் விளியேலாவென்றவாறு. இதனுட் பெயரென்பதனை இருதிணையிடத்தும் வருவித்துக்கொள்க.      (பி - ம்.) 1பத்தீற்றுப்பொதுப்பெயரும்
(47)
	(304)	இம்முப் பெயர்க்க ணியல்பு மேயும் இகர நீட்சியு முருபா மன்னே.
எ - ன், மூவகைப்பெயர்க்கும் பொதுவான விளியுருபு தொகுத் துணர்த்துதல் நுதலிற்று.      (இ - ள்.) உயர்திணைப்பெயர் பொதுப்பெயர் அஃறிணைப்பெயரென்னும் மூவகைப்பெயர்க்கண்ணும் எல்லாஈறும் இயல்பாதலும் அவற்றின்கண் ஏகாரமிகுதலும் இகரவீறு ஈகாரவீறாய்த்திரிதலும் விளி 1வேற்றுமைக்கு உருபுகளாம் எ - று.      வ - று. நம்பிகூறாய், 2மனைவிகூறாய், கண்கூறாய், தோழிகூறாய், தொழும்பிகூறாய், வேந்துகூறாய், பெண்டுகூறாய், பூண்டுகூறாய், ஆடூஉக் கூறாய், மகடூஉக்கூறாய், விடலைகூறாய், மங்கைகூறாய், கோக்கூறாய் எ - ம், நம்பியே, முனியே, 3கணியே, வேந்தே, பெண்டே, பூண்டே, ஆடூஉவே, மகடூஉவே, கோவே எ - ம், நம்பீ, மனைவீ, தோழீ, தொழும்பீ எ - ம், 4கோமான்கூறாய், இறைவன் கூறாய், வெற்பன்கூறாய், அருவாளன்கூறாய், பார்ப்பான்கூறாய் எ - ம், “பார்ப்பன மகனே பார்ப்பன மகனே” (குறுந். 156), “எம்மானே தோன்றினாயென்னை யொளித்தியோ” (சீவக. 1801) எ - ம், அடிகள்கூறீர், கோமாள் கூறீர் எ - ம், “அகவன் மகளே யகவன் மகளே” (குறுந். 23) எ - ம், மாந்தர்கூறீர், சான்றோர் கூறீர் எ - ம், இறைவரே, ஈசரே, குழையரே, வெற்பரே எ - ம், குருசில்கூறாய், தோன்றல் கூறாய் எ - ம், “குருசிலே யெம்மையுள்ளாய்”, திருமாலே, தோன்றலே (பெருமாள். 4 - 9) எ - ம், ஆய்கூறாய், எ - ம், ஆயேசொல்லாய் எ - ம் உயர்திணைப்பெயர்க்கண் விளியுருபு வந்தவாறு.      பிதாவுரையாய், பிணாவுரையாய், தம்பிகூறாய், சாத்திகூறாய், 5கொற்றி கூறாய், அரசுகூறாய், அழிதூஉக்கூறாய், பேதைபேசாய், தந்தைதாராய், 6அம்மையருளாய், அன்னையருளாய், ஆண்கூறாய், பெண்கூறாய், சாத்தன் கூறாய், மகன்வாராய், மகள்வாராய், மக்கள்வாரீர், ஒதுங்கல்கூறாய், தூங்கல்கூறாய், தாய்கூறாய், சேய்கூறாய் எ - ம், பிதாவே, பிணாவே, அரசே, அழிதூஉவே, ஆணே, பெண்ணே, சாத்தனே, கொற்றனே, மகனே, மகளே, ஒதுங்கலே, தூங்கலே, தாயே, சேயே எ - ம், தம்பீ, சாத்தீ, கொற்றீ எ - ம் பொதுப்பெயர்க்கண் விளியுருபுவந்தவாறு.