:: TVU ::

1. - பெயரியல்	157

எ - ன், னகாரவீற்றஃறிணைப்பெயர் பொதுப்பெயர்கட்கு எய்தியதன் மேற் சிறப்புவிதியுணர்த்துதல் நுதலிற்று. (இ - ள்.) னகாரவீற்று அஃறிணைப்பெயர்க்கண்ணும் விரவுப்பெயர்க் கண்ணும் இறுதியழிவும் இறுதியழிவதனோடு அயல்நீட்சியும் விளியுருபாம் எ - று. வ - று. “கொடுந்தா ளலவ குறையா மிரப்பேம்” (ஐந். ஐம். 42), “இகலுபு குதிக்கு மிகல”, “கண்டல் வேரளை சேரல வாநீ”, ¹ “கடும் பறைக் கருடா” எ - ம், சாத்தகேள் கொற்றகேள், சாத்தாகேள், கொற்றாகேள் எ - ம் வரும். (பி - ம்.) ¹ கடுஞ்சிறைக்
(54)
	(311)	லளவீற் றஃறிணைப் பெயர்பொதுப் பெயர்க்கண் ஈற்றய னீட்சியு முருபா கும்மே.
எ - ன், இவ்விரண்டீற்றுப்பெயர்க்கும் எய்தியதன்மேற் சிறப்புவிதி யுணர்த்துதல் நுதலிற்று. (இ - ள்.) லகார ளகாரவீற்று அஃறிணைப்பெயர்க்கண்ணும் பொதுப் பெயர்க்கண்ணும் ஈற்றயல் நீட்சியும் உருபாம் எ - று. வ - று. “காட்டுச்சாரோடுங்குறுமுயால்”, கிளிகாள் எ - ம், தூங்கால், ¹ஓங்கால், மக்காள் எ - ம் வரும்; பிறவுமன்ன. (பி - ம்.) ¹ ஒதுங்கால்
(55)
	(312)	அண்மையி னியல்புமீ றழிவுஞ் சேய்மையின் அளபும் புலம்பி னோவு மாகும்.
எ - ன், உரைத்தவிளிக்கு எய்தியதன்மேற் சிறப்புவிதியுணர்த்துதல் நுதலிற்று. (இ - ள்) அணியாரை விளிக்குமிடத்து இயல்பும் ஈற்றினது அழிவும், சேயாரைவிளிக்குமிடத்து அளபெழலும், புலம்பின்கண் ஓகாரமுமாம் எ - று. உதாரணம் முன்னர்க்காட்டினவற்றிற் கண்டுகொள்க.
(56)
	(313)	நுவ்வொடு வினாச்சுட் டுற்ற னளர வைதுத் தாந்தா னின்னன விளியா.
எ - ன், மேல் விளியேற்குமென்ற ஈற்றுப்பெயர்களுள் இவை ஏலாவென எடுத்துணர்த்துதல் நுதலிற்று. (இ - ள்.) நுவ்வையும் முதல்வினாக்களையும் சுட்டையுமுதலாகவுடைய னகாரமே ளகாரமே ரகாரமே வையே துவ்வேயென்றீற்றுப் பெயர்களும் தாமென்பதும் தானென்பதும் விளியேலா எ - று.வ - று. நுமன், நுமள், நுமர்; எவன், எவள், எவர், எவை, எது; ஏவன், ஏவள், ஏவர், ஏவை, ஏது; யாவன், யாவள், யாவர், யாவை, யாது;