:: TVU ::

172	நன்னூல் மூலமும், மயிலைநாதருரையும்

(பி - ம்.) ¹வேறுண்டில்லையைம் ²பாலிடமுணர்த்துதல் ³வேறுண்டில்லை 4(1) அஃறிணையொருமைக்கேகொண்டு; (2) அஃறிணையொருமைக்குக்கொண்டு
(20)
	(339)	செய்த செய்கின்ற செய்யுமென் பாட்டிற் ¹காலமுஞ் செயலுந் தோன்றிப் பாலொடு ²செய்வ தாதி யறுபொருட் பெயரும் எஞ்ச நிற்பது பெயரெச் சம்மே.
எ - ன், நிறுத்தமுறையானே பெயரெச்சமாமாறு உணர்த்துதல் நுதலிற்று. (இ - ள்.) செய்த செய்கின்ற செய்யுமென்னும் வாய்பாட்டால் முக்காலமும் தொழிலுந்தோன்றிப் ³பால்தோன்றாது, கருத்தாமுதலாகிய பொருள்களாறின்பெயரும் ஒழியநிற்பன, பெயரெச்சவினை வினைக்குறிப்புக்களாம் எ - று. ‘பாட்டிற்காலமும்’ என்றது, அம்முக்கால வாய்பாடு யாவையும் கோடற்கென்க. வ - று. நின்றஒருவன், நிற்கின்றஒருவன், நிற்குமொருவன்; எறிந்த வேல், எறியாநின்றவேல், எறியும்வேல்; பொருதகளம், பொராநின்றகளம், பொருங்களம்; செய்தசெயல், செய்யாநின்றசெயல், செய்யுஞ்செயல்; வாழ்ந்தநாள், வாழாநின்றநாள், வாழும்நாள்; ⁴பண்ணிய மா, பண்ணாநின்ற மா, பண்ணு மா எனவரும். இவ்வாறே ஒழிந்தபாலிடங்களிலும் ஒட்டிப் பெயரெச்சவினை வந்தவாறு காண்க. கரியகொற்றன், கரியகொற்றி, கரியகொற்றர், கரியகுதிரை, கரிய குதிரைகள், கரியயான், கரியயாம்; கரியநீ, கரியநீயிர், “செய்ய கோலினாய் செப்ப லாவதன், றைய தாரினா னருளின் வண்ணமே” (சூளா. சீய. 26), “பெரிய, கேழ லட்ட பேழ்வா யேற்றை” (அகநா. 8) எனப் பெயரெச்ச வினைக்குறிப்புவந்தவாறு காண்க. ஓடாக்குதிரை, பாடாப்பாணனென்றற் றொடக்கத்தனவும், ஓடாமலைச்செய்த,பாடாமலைச்செய்தவென்னும் ⁵வாய்பாடாகவேகொள்க. “காலமும் வினையுந் தோன்றிப்பா றோன்றாது,; ⁶பெயர்கொள் ளும்மது பெயரெச் சம்மே” என்றார், அகத்தியனார். இதற்கு நிகழ்காலங்கொள்ளாதார் ⁷கோளும் அறிந்துகொள்க. (பி - ம்.) ¹காலஞ்செயலொடு ²செய்வதாதியும் ³பாலும்கருத்தா முதலியனவும் பொருளாதியறுபொருட்பெயரும் ⁴பண்ணியமரம், பண்ணா நின்றமரம், பண்ணுமரம் ⁵வாய்பாட்டுட்கொள்க. ⁶பெயர்கொளும்மதுவே பெயரெச்சம்மே ⁷கொள்ளுதலும்
(21)