:: TVU ::

1. - எழுத்தியல்	19

பதமும் அப்பதம் தம்மோடும் உருபோடும் புணரும் புணர்ச்சியுமெனப் பன்னிரு ³ பகுதியினையுடைத்து, மேற்சொன்ன எழுத்திலக்கணம் எ - று. என்றாவென்பது எண்ணிடைச்சொல். ஏகாரம் ஈற்றசை. (பி - ம்.) ¹ புணர்ப்பென ² பொருட்பாகுபாடு ³ பகுதித்து
(2)
1. எழுத்தின் எண்
	(57)	மொழிமுதற் காரண மாமணுத் திரளொலி எழுத்தது முதல்சார் பெனவிரு வகைத்தே.
எ - ன், இயம்பப்பெறும் எழுத்தாவது இன்னதென்பதூஉம் அதன் பாகுபாடும் உணர்த்துதல்நுதலிற்று. (இ - ள்.) மொழிக்கு முதற்காரணமாகிய பரமாணுக்களது இயைபினான் ஆகுவதான ஒலி எழுத்தெனப்படும்; அது ¹ முதலெழுத்தும் சார்பெழுத்துமென இரண்டுகூறாம் எ - று. ஈண்டு ஒலியெழுத்துச் சிறப்புடைமையின் எடுத்தோதினார். என்னை? “சிறப்புடைப் பொருளைத் தானெடுத்து மொழிதல்” என்பது தந்திரவுத்தியாகலான். ஒருசாரார்வேண்டும் உணர்வெழுத்து முதலான விகற்பமெல்லாம் இவ்வதிகாரப் புறநடை (சூ. 256, உரை) யுட் கண்டு கொள்க. (பி - ம்) ¹ முதலெழுத்துச் சார்பெழுத்தென
முதலெழுத்து

	(58)	உயிரு முடம்புமா முப்பது முதலே.
எ - ன், முதலெழுத்தாவன உணர்த்துதல்நுதலிற்று. (இ - ள்.) உயிரென்றும் உடம்பென்றும் சொல்லப்பட்ட முப்பதெழுத்தும் ¹முதலெனப்படும் எ - று. எனவே முதலெழுத்தெனத் தொகையான் ஒன்றும், உயிரெழுத்து உடம்பெழுத்தென வகையான் இரண்டும், உயிர் பன்னிரண்டும் உடம்பு பதினெட்டு மென்று வகுத்துக்கூட்ட விரியான் முப்பதுமாம், முதலெழுத்து எ - று. (4) (பி - ம்.) ¹ முதலெழுத்தெனப்படும்

சார்பெழுத்து
	(59)	உயிர்மெய் யாய்த முயிரள பொற்றள பஃகிய இ உ ஐ ஒள மஃகான் தனிநிலை பத்துஞ் சார்பெழுத் தாகும்.
எ - ன், சார்பெழுத்தாவன உணர்த்துதல்நுதலிற்று. (இ - ள்.) உயிர்மெய்யும், ஆய்தமும், உயிரளபெடையும், ஒற்றளபெடையும், குற்றியலிகரமும், குற்றியலுகரமும், ஐகாரக்குறுக்கமும், ஒளகாரக்குறுக்கமும், மகரக்குறுக்கமும், ஆய்தக்குறுக்கமு மென்னும் இப்பத்தும் சார்பெழுத்தாம் எ - று.