:: TVU ::

194	நன்னூல் மூலமும், மயிலைநாதருரையும்

	(367)	எண்ண லெடுத்தன் முகத்த னீட்டல் எனுநான் களவையு ளும்மில தத்தொகை.
எ - ன், உம்மைத்தொகையாமாறு உணர்த்துதல் நுதலிற்று. (இ - ள்.) எண்ணியும் எடுத்தும் முகந்தும் நீட்டியும் அளக்கப்படும் நால்வகை அளவையின்கண்ணும் உம்மை தொக்கு நிற்பது, உம்மைத் தொகையாவது எ - று. வ - று. உவாப்பதினான்கு, கபிலபரணர், கல்லாடமாமூலர், பதினொன்று, பதினைந்து, ஆயிரத்தொருநூற்றைம்பத்தொன்று எ - ம், கழஞ்சேகால், கழஞ்சரையேயரைமாவரைக்காணி முந்திரிகை எ - ம், நாழியாழாக்கு, கலனேமுக்குறுணி நானாழியாழாக்கே முச்செவிடுஎ - ம், சாணரை எ - ம் வரும். இவை விரியுங்கால் உவாவும் பதினான்கும், கபிலனும் பரணனும், கல்லாடனும் மாமூலனுமென விரியும். பிறவுமன்ன. உவாவையும் பதினான்கையுமென விரியுமேல் ஆண்டு வேற்றுமைத் தொகையாம் பிறவெனின், ¹வேங்கைமலரென்னும் வேற்றுமைத்தொகை வேங்கையது மலரெனவிரியும்; உம்மை வேறில்லை, உவாவும் பதினான்கு மென்புழி உம்மை ஒருதலையாகவே வேண்டலின், சிறப்பினால் உம்மைத் தொகையாகவே படுமென்பது. (பி - ம்.) ¹வேங்கைமலரென்பது வேற்றுமைத்தொகைக்கு வேங்கையது
(17)
	(368)	ஐந்தொகை மொழிமேற் பிறதொக லன்மொழி.
எ - ன், அன்மொழித்தொகையாமாறு உணர்த்துதல் நுதலிற்று. (இ - ள்.) வேற்றுமை முதலான ஐவகையுருபுகளும் தொக்குநின்ற மொழிகளின் மேலே அவற்றின் பொருள்களைத்தழுவிய வேற்றுப்பொருள்களும் அவற்றின் சொற்களும் தொகுவது அன்மொழித் தொகையாவது எ - று. வ - று. பூங்குழல், பொற்றொடி, கவியிலக்கணம், பொற்றாலி, கிள்ளிகுடி, கீழ்வயிற்றுக்கழலை எ - ம், தாழ்குழல், கருங்குழல், துடியிடை, தகரஞாழல் எ - ம் காண்க. இவை விரிவுழி, பூவையுடைய குழலையுடையாள், பொன்னானாய தொடியினை யுடையாள், கவிக்கு இலக்கணம் சொன்னநூல், பொன்னினாய தாலியினை யுடையாள், கிள்ளியது குடிமக்களிருக்குமூர், கீழ்வயிற்றின்கண்எழுந்த கழலையைப்போல்வான் எ-ம், தாழ்ந்த குழலினையுடையாள், கரிய குழலினையுடையாள், துடியன்ன இடையினையுடையாள், தகரமும் ஞாழலும் உறுப்பாகவுடைய சாந்து எ - ம் விரியும்.¹ (பி - ம்.) ¹ஆதலால் இரண்டுசொற்புணராது ஒருமொழிப்பெயராகிக் கமலம் கரும்பு எனவந்தவை ஆகுபெயரும் முற்றுவமையுமாகுமல்லாது அன்மொழித் தொகையாகா வென்றறிக.
(18)