நெறிசெய்தான், பொற்றொடி, கடிப்பகை, வரையிழிந்தான், சான்றோரிலக்கணம்,
ஊர்க்குளம் எ - ம், ஒலிவளை, ஆனேறு, துடியிடை, ஏழேகால் எ - ம் வரும் இவை
மூன்றுதொடர்ச்சிப்பொருள் மயங்கிய ஒருதொடர்த்தொகைமொழி; இவை
நெறியைச்செய்தான், நெறியினாற்செய்தான், நெறியினிற்செய்தான்; பொன்னானாயதொடி,
பொன்னினாயதொடி, பொன்னிற் செய்த தொடியையுடையாள்; கடிக்குப்பகை,
கடியினதுபகை, கடியாகிய பகை; வரையினிழிந்தான், வரையையிழிந்தான்,
வரைக்கணிழிந்தான்; சான்றோரதிலக்கணம், 4சான்றோராற் செய்யப்பட்ட இலக்கணம்,
சான்றோர்க்கிலக்கணம்; ஊரின்கட்குளம், ஊரினது குளம், ஊர்க்குக்குளம் 5எ - ம்,
ஒலிக்கும்வளை, ஒலியையுடையவளை, ஒலிக்கும் வளையையுடை யாள்;6 ஆனாகிய ஏறு,
ஆனின்கணேறு, ஆனேறனையான்; 7துடியன்ன இடை, துடியையொக்குமிடை, துடியன்ன
இடையினையுடையாள்;8 ஏழும் காலும், ஏழின்மேற்கால், ஏழேகால் நிலமானவூர் எ-ம்9
வரும்.
சொல்லிலக்கணம், பொன்மணி எனவரும் இவை நான்குதொடர்ச்சிப்
பொருள்மயங்கின ஒரு தொடர்த்தொகைமொழி; இவை சொற்கிலக்கணம், சொல்லது
இலக்கணம், சொல்லும் இலக்கணமும், சொல்லிலக்கணஞ் சொன்னநூல் எ - ம்,
பொன்னானாயமணி, பொன்னினாயமணி, பொன்னின் கண்மணி, பொன்னுமணியும் எ-ம்
10வரும்.
கருப்புவேலி, இயலிசை எனவரும் ஐந்துதொடர்ச்சிப்பொருண் மயங்கின
ஒருதொடர்த் தொகைமொழி; இவை, கரும்பாற்செய்தவேலி, கரும்புக்குவேலி, கரும்பினிற்
செய்தவேலி, கரும்பினதுவேலி, கரும்பின் கண்வேலி எ - ம், இயலையுடையவிசை,
11இயலினிசை, இயற்கணிசை, இயலாகியஇசை, இயலுமிசையும் எ - ம் வரும்.12
நூலுரை, உரைவிரி எனும் இவை, ஆறுதொடர்ச்சிப்பொருள் மயங்கிய
ஒருதொடர்த் தொகைமொழி. இவை நூலையொக்குமுரை, நூற்குரை, 13நூலதுரை,
நூற்கணுரை, நூலன்னஉரை, நூலுமுரையும்எ - ம், உரையைவிரி, உரைக்குவிரி,
உரையதுவிரி, உரைக்கண்விரி, உரைக்கும் விரி, உரைவிரியுடையது எ - ம் வரும்.14
கருத்துப்பொருள், சொற்பொருள் எனவரும் இவை ஏழுதொடர்ச்சிப் பொருள்
மயங்கிய ஒருதொடர்த் தொகைமொழி; இவை கருத்தையுடைய பொருள்,
கருத்தினாலறியும்பொருள், கருத்திற்குப்பொருள், கருத்தினறியும் பொருள்,
கருத்தினதுபொருள், கருத்தின்கட்பொருள், கருத்தும்பொருளும் எ - ம், சொல்லான்
அறியப்படும்பொருள், சொற்குப்பொருள், சொல்லின் அறியப்படும் பொருள்,
சொல்லதுபொருள், சொல்லின்கட்பொருள், சொல்லாகிய பொருள், சொல்லும் பொருளும்
எ - ம் வரும். பிறவுமன்ன.
“வாளைமீ னுள்ள றலைப்படல்” (திரி. 8) என்பது இரண்டுதொடர்ச்
சிப்பொருண்மயங்கிய பலதொடர்த் தொகைமொழி; இது வாளைமீனை உள்ளல்
தலைப்படல், வாளைமீன் உள்ளலைத் தலைப்படலெனவரும். | |
|
|