:: TVU ::

2	நன்னூல் மூலமும், மயிலைநாதருரையும்

	20	பொன்மதிற் சனகைச் சன்மதி முனியருள் பன்னருஞ் சிறப்பிற் பவணந்தி என்னு நாமத் திருந்தவத் தோனே.
என்பது சிறப்புப்பாயிரம். இதற்குப் பொருள் மேலே சொல்லுதும். (பிரதிபேதம்) ¹பரிதி. ²முழுதும்
பாயிரம்
பாயிரத்தின் பெயர்கள்
	(1)	முகவுரை பதிக மணிந்துரை நூன்முகம் புறவுரை தந்துரை புனைந்துரை பாயிரம்.
(இதன்பொருள்.) இவை ¹பாயிரத்திற்குக் காரணப் பெயர்களாம் என்றவாறு. (பி-ம்.) ¹பாயிரத்திற்குக் காரணப்பெயராம்
(1)
பாயிரத்தின் வகை
	(2)	பாயிரம் பொதுச்சிறப் பெனவிரு பாற்றே.
(இ-ள்.) மேற்சொன்னபாயிரம் பொதுப்பாயிரமும் சிறப்புப்பாயிர முமென இருவகைப்படும் எ-று. அவற்றுள், பொதுப்பாயிரமாவது எல்லா நூன்முகத்தும் உரைக்கப்படுவதெனவும், சிறப்புப்பாயிரமாவது ஒரு நூன்முகத்து உரைக்கப்படுவதெனவும் கொள்க.
(2)
பொதுப்பாயிரம்
	(3)	நூலே நுவல்வோ னுவலுந் திறனே கொள்வோன் கோடற் கூற்றா மைந்தும் எல்லா நூற்கு ¹மியைபொதுப் பாயிரம்.
(இ-ள்.) இவ்வைந்தும் எல்லாநூன்முகத்தும் பொருந்தும் பொதுப் பாயிரமாம் எ-று. (பி - ம்.) ¹மிவை
(3)
நூலின் இயல்பு
	(4)	நூலி னியல்பே நுவலி னோரிரு பாயிரந் தோற்றி மும்மையி னொன்றாய்