:: TVU ::

24	நன்னூல் மூலமும், மயிலைநாதருரையும்

மெல்லினம்
	(68)	மெல்லினம் ஙஞண நமனவென வாறே.
இதுவுமது. (இ - ள்.) ங ஞ ண ந ம ன வென்னும் ஆறெழுத்தும் மெல்லின மென்னும் குறியவாம் எ - று.
இடையினம்
	(69)	இடையினம் யரல வழளவென வாறே.
இதுவுமது. (இ - ள்.) ய ர ல வ ழ ள வென்னும் ஆறெழுத்தும் இடையினமென்னும் குறியவாம் எ-று. இம்மூவினமும் அன்னவாமாறு உச்சரித்துச் செவிகருவியாக 1ஓர்ந்து கொள்க. பெயர் முற்றும். (பி - ம்.) ¹ ஓர்ந்துணர்க
(15)
இனவெழுத்து
	(70)	ஐஒள இஉச் செறிய முதலெழுத் திவ்விரண் டோரின மாய்1வரு முறையே.
எ - ன், நிறுத்தமுறையானே முறையாமாறு உணர்த்துவானெடுத்துக் கொண்டார்; அவற்றுள், இச்சூத்திரம் முதலெழுத்தை இனமடைத்தல் நுதலிற்று. (இ - ள்.) ஐகாரத்தை இகரத்தோடும், ஒளகாரத்தை உகரத்தோடும் சேர்க்க, அகரமுதலான முதலெழுத்தெல்லாம் முறையே இவ்விரண்டெழுத்துத் தம்முள் இனமாம் எ - று. வ - று. அஆ, ²இஈஐ, உஊஒள; எஏ, ஒஓ, க ங, ச ஞ, ட ண, த ந, ப ம, ய ர, ல வ, ழ ள, ற ன எனவரும். (பி - ம்.) ¹ வரன்முறையே ² இஈ, உஊ, எஏ, இஐ, ஒஓ, உஒள.
(16)
இனமென்றதற்குக்காரணம்
	(71)	தான முயற்சி யளவு பொருள்வடி வானவொன் றாதியோர் புடையொப் பினமே.
எ - ன், மேல் இவ்வெழுத்து, ‘இவ்விரண்டோரினமாய்வரும்’ என்றார், அவை அப்படி வருவதற்குக் காரணமாமாறு உணர்த்துதல்நுதலிற்று. (இ - ள்.) எழுத்துக்கள் தம் பிறப்பிடமே முயற்சியே ¹மாத்திரையே பொருளே வடிவே யென்றிவற்றுள் ஒன்றானும் பலவானும் ²ஒரு புடையொப்பனவாயின், இனமாம் எ - று.