:: TVU ::

5. - உரிச்சொல்லியல்	241

(இ - ள்.) உலகத்து உயிருள்ளதும் உயிரில்லாததுமாயடங்கும் இரு வகைப்பொருள்களினுடைய குணம் பண்பாவது எ - று. (பி - ம்.) ¹உயிருயிரல்லதாம்
	(443)	மெய்ந்நா மூக்கு நாட்டஞ் செவிகளின் ஒன்றுமுத லாக்கீழ்க் கொண்டுமே லுணர்தலின் ஓரறி வாதியா வுயிரைந் தாகும்.
எ - ன், மேல், “உயிர்” என்றார், அவ்வுயிர்க்கூறுபாடு உணர்த்துதல் நுதலிற்று. (இ - ள்.) மெய்முதலான ஐந்தனுள்ளும் ஒன்றுமுதலாகக் கீழ் நின்ற தனையுங்கொண்டு மேல்நின்றதுஅறிதலான்,ஓரறிவுயிர்முதலாக உயிர் ஐந்து கூறாம் எ-று.
(3)
	(444)	புன்மர முதலவுற் றறியுமோ ரறிவுயிர்.
எ - ன், ஓரறிவுயிராவன உணர்த்துதல் நுதலிற்று. (இ - ள்.) மேற்சொன்ன ஓரறிவாதியான உயிர்களுட் புல்லும் மரமுமுதலானவை ஊற்றானறியும் ஓரறிவினையுடைய உயிர்களாம் எ - று.
(4)
	(445)	¹முரணந் தாதிநா வறிவொடீ ரறிவுயிர்.
எ - ன், ஈரறிவுயிராவன உணர்த்துதல் நுதலிற்று. (இ - ள்.) இப்பியும் நந்துமுதலானவை மெய்யுடனே நாவானுமறியும் அறிவுடன் ஈரறிவினையுடைய உயிர்களாம் எ - று. (பி - ம்.) ¹ (1) முறணந்தாதி; (2) உறணந்தாதி
(5)
	(446)	சிதலெறும் பாதிமூக் கறிவின்மூ வறிவுயிர்.
எ - ன், மூவறிவுயிராவன உணர்த்துதல் நுதலிற்று. (இ - ள்.) கறையானையும் எறும்பையும் முதலாகவுடையன, கீழி லிரண்டொடு மூக்கானுமறியும் அறிவுடன் மூவறிவுடைய உயிர்களாம்எ - று. இன்னை ஒடுப்பொருளிற் கொள்க.
(6)
	(447)	¹தும்பிஞெண் டாதிகண் ணறிவினா லறிவுயிர்.
எ - ன், நான்கறிவுயிராவன உணர்த்துதல் நுதலிற்று. (இ - ள்.) தும்பியும் ²ஞெண்டுமுதலான உயிர்கள் மேலனவற்றோடு கண்ணானுமறியும் அறிவுடன் நான்கறிவுயிர்களாம்எ - று. (பி - ம்.) ¹தும்பிவண்டாதி ²வண்டுமுதலான
(7)