:: TVU ::

1. - எழுத்தியல்	39

எ - ன், நிறுத்தமுறையானே இடைநிலையாமாறு உணர்த்துவா னெடுத்துக்கொண்டார், அவற்றுள் இச்சூத்திரம், பொதுவகையால்¹மெய்ம்மயக்கமும் உடனிலைமயக்கமும் ஆமாறும் ²அவற்றதெண்ணும் அவைநிற்குமிடமும் ஆமாறும் உணர்த்துதல்நுதலிற்று. (இ - ள்.) மெய் பதினெட்டுள்ளும் கசதபவென்னும் நான்கும் ஒழித்துநின்ற பதினாலுமெய்யும் ஒன்றன்பினொன்று மாறிவந்து ஒன்றுவது மெய்ம்மயக்கமாம்; ரகர ழகரமொழித்துநின்ற பதினாறு மெய்யும் தம்முன்னர்த் தாம்வந்தொன்றுவது உடனிலைமயக்கமாம். இச்சொல்லப்பட்ட இருகூற்று முப்பதுமயக்கும் மொழியிடையிலேயாம். உயிர்மெய்மயக்கம் இன்னதன்பின்னர் இன்னதாமென்னும் வரையறையில்லை எ - று. (பி - ம்.) ¹மெய்ந்நிலைமயக்கமும் ²அவற்றிற்கெண்ணும்
(55)
மெய்ம்மயக்கம்
	(110)	ஙம்முன் கவ்வாம் வம்முன் யவ்வே.
எ - ன், ஙகர வகர மெய்ம்மயக்கம் உணர்த்துதல்நுதலிற்று. (இ - ள்.) ஙகரமுன்னர்க் ககரமும், வகரமுன்னர் யகரமும் வந்து மயங்கும் எ-று. வ - று. கங்கன், தெவ்யாது எனவரும்.
(56)
	(111)	ஞநமுன் றம்மினம் யகரமொ டாகும்.
எ - ன், ஞகர நகர மெய்ம்மயக்கம் உணர்த்துதல்நுதலிற்று. (இ - ள்.) இவ்விரண்டுமெய்ம்முன்னரும் தமக்கினமாகிய சகரதகரங்களும் யகரமும் வந்து மயங்கும் எ - று. வ - று. கஞ்சன், உரிஞ்யாது, கந்தன், வெரிந்யாது எனவரும்.
(57)
	(112)	டறமுன் கசப மெய்யுடன் மயங்கும்.
எ - ன், டகர றகர மெய்ம்மயக்கம் உணர்த்துதல்நுதலிற்று. (இ - ள்.) இவ்விரண்டுமெய்ம்முன்னரும் கசபவென்னுமூன்று மெய்யும் மயங்கும் எ-று. வ - று. கட்கம், ¹கட்சி, கட்ப எனவும், கற்க, ²கற்சிறை, கற்ப எனவும் வரும். (பி - ம்.) ¹கட்சிறார் ²கற்சிறார்
(58)
	(113)	ணனமுன் னினங்கச ஞபமய வவ்வரும்.
எ - ன், ணகர னகர மெய்ம்மயக்கம் உணர்த்துதல்நுதலிற்று. (இ - ள்.) இவ்விரண்டின்முன்னர்த் தமக்கினமாகிய டறக்களும் க ச ஞ ப ம ய வ என்னும் ஏழுமெய்யும் மயங்கும் எ - று. வ - று. ¹வெண்டயிர், ²வெண்கலம், வெண்சோறு, வெண்ஞாண், வெண்பல், வெண்மலர், மண்யாது, மண்வலிது எனவும், புன்றலை, புன்கண், புன்செய், புன்ஞான், புன்பயிர், புன்மலர், பொன்யாது, பொன்வலிது எனவும் வரும். (பி - ம்.) ¹விண்டு ²வெண்கல்
(59)