:: TVU ::

38	நன்னூல் மூலமும், மயிலைநாதருரையும்

	(114)	மம்முன் பயவ மயங்கு மென்ப.
எ - ன், மகரமெய்ம்மயக்கம் உணர்த்துதல்நுதலிற்று. (இ - ள்.) மகரமெய்ம்முன்னர்ப் பகர யகர வகரங்கள் வந்து மயங்கும் எ - று. வ - று. கம்பன், ¹கலம்யாது, ²கலம்வலிது எனவரும். (பி - ம்.) ¹காலம் யாது ²காலம் வலிது
(60)
	(115)	யரழ முன்னர் மொழிமுதன் மெய்வரும்.
எ - ன், யகர ரகர ழகர மெய்ம்மயக்கம் உணர்த்துதல்நுதலிற்று. (இ - ள்.) இம்மூன்றன்முன்னரும் மொழிமுதலான பத்தினுள்ளும் ¹ஙகரமொழித்து ஒழிந்த ஒன்பதுமெய்யும் மயங்கும் எ - று.ஙகரம் ஈண்டு விலக்கிற்றில்லையாலோ வெனின், அது, ²தன் விதிச்சூத்திரத்தினுள்ளே இன்னவிடத்துவருமென்று இடங்குறித்துச் சொன்னமையாற் ³பிறவழிவாராதெனக் கொள்க. வ - று. (வேய், வேர், வீழ்) + (கடிது, சிறிது, தீது, பெரிது, ஞான்றது, நீண்டது, மாண்டது, யாது, வலிது) எனவரும். (பி - ம்.) ¹ஙகாரமொழிந்த ஒன்பதுமெய்யும் ² (1) அதன் தனி விதிச்சூத்திரத்தினுள்ளே (2) விதிச்சூத்திரத்தினுள்ளே ³ பிறவுழி
	(116)	லளமுன் கசப வயவொன் றும்மே
எ - ன், லகர ளகர மெய்ம்மயக்கம் உணர்த்துதல் நுதலிற்று. (இ - ள்.) இவ்விரண்டு மெய்ம்முன்னரும் க ச ப வ ய வென்னும் ஐந்துமெய்யும் மயங்கும் எ - று. வ - று. (வேல், வாள்) + (கடிது, சிறிது, பெரிது, வலிது, யாது) எனவரும். மெய்ம்மயக்கம் முற்றும்.
(62)
உடனிலை மயக்கம்
	(117)	ரழவல் லனதம்முற் றாமுட னிலையும்.
எ - ன், உடனிலைமயக்கம் உணர்த்துதல் நுதலிற்று. (இ - ள்.) ரகரழகரமொழித்து ஒழிந்த பதினாறுமெய்யும் தம்முன் னர்த் தாம்வந்து ¹மயங்கும். எ - று. வ - று. அருக்கன், அங்ஙனம், அச்சு, மஞ்ஞை, மட்டை, மண்ணை, வித்து, வெந்நெய், அப்பி, அம்மி, அய்யர், அல்லி, அவ்வை, கள்ளி, கற்றை, கன்னி எனவரும். (பி - ம்.) ¹மயங்குவது உடனிலைமயக்கமாம்.
(63)
	(118)	யரழவொற் றின்முன் கசதப ஙஞநம ஈரொற் றாம்ரழத் தனிக்குறி லணையா.
எ - ன், ஈரொற்றுடனிலையாமாறும் ¹தனிக்குறிற்கீழ் ஒற்றாகாதனவும் உணர்த்துதல் நுதலிற்று.