:: TVU ::

42	நன்னூல் மூலமும், மயிலைநாதருரையும்

என்றற்றொடக்கத்தன. இனி, இவ்விதி இவ்வாறன்றி, “மகரத் தொடர் மொழி மயங்குதல் வரைந்த, னகரத் தொடர்மொழி யொன்பஃ தென்ப, புகரறக் கிளந்த வஃறிணைமேன” (தொல். மொழிமரபு, 49) என்று எகின், செகின், எயின், வயின், குயின், ⁴அழன், புழன், ⁵புலான், கடான் என வரும் ஒன்பதும் மயங்காதனவெனக் கொள்ளின், ⁶பலியன், ⁷வலியன், வயான், ⁸கயான், அலவன், ⁹கலவன், கலுழன், மறையன், செகிலன் முதலாயினவும் மயங்கப்பெறாவென மறுக்க. (பி - ம்.) ¹ சகடம் ² விசாகம் ³ ஓக்கம் ⁴ அழான், புழான் ⁵ வயான் ⁶ பயின் ⁷ (1) வயின், (2) வலியான் ⁸ கழான் ⁹ இகலன்
(67)
	(122)	அஐ முதலிடை யொக்குஞ் சஞயமுன்.
இதுவுமது. (இ - ள்.) மொழிக்குமுதலினும் இடையினுநின்ற அகர ஐகாரங்கள் தம்மில் வேறுபாடின்றி ஒக்கும், சகர ஞகர யகரங்கள் முன்வரின் எ - று. ஈண்டுமுன்னென்றது காலமுன் எனக்கொள்க. வ - று. பசல், பைசல்; மஞ்சு, மைஞ்சு; ¹மயல், மையல்; எனவும், அரசு, அரைசு; முரஞ்சு, முரைஞ்சு; அரயர், அரையர் எனவும் வரும். (பி - ம்.) ¹அயர், ஐயர்
	(123)	ஐகான் யவ்வழி நவ்வொடு சில்வழி ஞஃகா னுறழு மென்மரு முளரே.
இதுவுமது. (இ - ள்.) ஐகாரமே யகரமேயென்றிவற்றின் வழியேவரும் நகரத்துடன் ஞகரம் சிலவிடங்களில் உறழ்ந்துவரப்பெறு மென்பாரும் உளர் எ - று. உம்மையான் உறழாதென்பாரும் பெரும்பாலாரெனக் கொள்க. வ - று. ஐஞ்ஞூறு, மைஞ்ஞீலம், பைஞ்ஞன்று, கைஞ்ஞீட்சி எனவும், செய்ஞ்ஞன்றி, மெய்ஞ்ஞன்று, பொய்ஞ்ஞின்றான், ¹செய்ஞ்ஞீண்டது, காய்ஞீண்டது எனவும்வரும். உறழ்ச்சியான், ஐந்நூறு, மைந்நீலம், செய்ந்நன்றி, மெய்ந் நன்று என்றற்றொடக்கத்தனவும் கொள்க. இடைநிலைமுற்றும். (பி - ம்.) ¹செய்ஞ்ஞான்றது
(69)
10. போலி
	(124)	* அம்மு னிகரம் யகர மென்றிவை எய்தி னையொத் திசைக்கு மவ்வோ டுவ்வும் வவ்வு மௌவோ ரன்ன.
* ‘ அம்மு னிகர மாய்த மென்றிவை, எய்தின் ’ என மூலமும்,‘ அகர முன் இகரமும் ஆய்தமும் வரின் ’ என உரையும், ‘ அ இ வனம் ஐவனம்; கஃசு கைசு ’ என உதாரணம் மிதிலைப்பட்டி ஸ்ரீ அழகிய சிற்றம்பலக் கவிராயரவர்கள் வீட்டுப் பிரதியிலும் வேறு மூன்று பழைய பிரதிகளிலும் காணப்பட்டன.