:: TVU ::

52	நன்னூல் மூலமும், மயிலைநாதருரையும்

	(139)	அன்ஆன் அள்ஆள் அர்ஆர் பம்மார் அஆ குடுதுறு என்ஏன் அல்அன் அம்ஆம் எம்ஏம் ஓமொ டும்மூர் கடதற ஐஆய் இம்மின் இர்ஈர்
	5	ஈயர் கயவு மென்பவும் பிறவும் வினையின் விகுதி பெயரினுஞ் சிலவே.
எ - ன், பகுபதங்கட்கு விகுதியாமாறு உணர்த்துதல் நுதலிற்று. (இ - ள்.) இச்சொன்ன முப்பத்தேழும் இவைபோல்வன பிறவும் வினைப்பகுபதத்தின்கண் விகுதியாம்; பெயர்ப்பகுபதத்தின் கண்ணும் சில விகுதியாம் எ-று. வ - று. நடந்தனன், நடந்தான், நடந்தனள், நடந்தாள், நடந்தனர், நடந்தார், நடப்ப, நடமார், நடந்தன, நடவா, நடக்கு, உண்டு, குண்டுகட்டு, நடந்து, நடந்தது, வேறு, கூயிற்று, நடந்தனென், நடந்தேன், நடப்பல், நடப்பன், நடப்பம், நடப்பாம், நடப்பெம், நடப்பேம், நடப்போம், நடக்கும், உண்டும், ¹நடந்தும், ²சென்றும், நடந்தனை, நடந்தாய், நடத்தி, நடமின், நடந்தனிர், நடந்தீர், நிலீயர், நடக்க, வாழிய, நடவும் என வினைக்கண் முப்பத்தேழும் ³வினைமுற்று விகுதியாயின. பிறவற்றொடும் இவ்வாறே ஏற்பிக்க. பிறவும் என்றதனால், பெயரெச்சவினையெச்ச ⁴விகுதிகள் வாய்பாடுகளும் அறிந்து பகுதி விகுதியாக்கி இடைநிலையும் வேண்டுழித்தந்து முடிக்க. நடந்தவன் நடந்தான் எனத் தொழிற்பெயர்க்கும் இவ்வாறே ஏற்பனவறிந்து ஒட்டிக்கொள்க. வில்லன், வில்லான், வளையள், வளையாள், ஊரர், ஊரார், வில்லி, வாளி, உருவிலி, திருவிலி, பொறியிலி, செவியிலி, அரசி, ⁵பார்ப்பனி, செட்டிச்சி, உழத்தி, கிழத்தி, கணவாட்டி, வண்ணாத்தி, காதறை, செவியறை எனப் பெயர்க்கண் விகுதியாயின. பிறவும் வந்தவழிக் கண்டுகொள்க. இவற்றுள் ஒன்றே ⁶பலவினை பெயர்கட்குவருவனவும் கொள்க. ஈண்டுப் பதமுடித்தற்குப் பகுதி விகுதி மாத்திரையே காட்டியது; ⁷திணைபாலிடம் காலங்கட்குரியவாமாறு சொல்லதிகாரத்துட் பெயர்வினை யோத்துக்களுட் சொல்லுதும். (பி - ம்.) ¹நடத்தும் ²சேறும் ³மூன்றிடத்தும் வினைமுற்று⁴விகுதிகளான வாய்பாடுகளும்⁵பார்ப்பினி ⁶வினைப்பெயர்கட்கும் ⁷திணைபாலிடங்கட்கு
(13)
	(140)	இலக்கியங் கண்டதற் கிலக்கண மியம்பலிற் பகுதி விகுதி பகுத்திடை நின்றதை வினைப்பெய ரல்பெயர்க் கிடைநிலை யெனலே.
எ - ன், பெயர்ப்பகுபதங்கட்கு இடைநிலையாமாறு உணர்த்துதல் நுதலிற்று. (இ - ள்.) முற்காலத்திற்கண்ட இலக்கியங்கட்கே இலக்கணம் ¹இயம்பலின், ஈண்டு முடிக்கலுறும் பதத்தின் பகுதியையும் விகுதியையும்