:: TVU ::

68	நன்னூல் மூலமும், மயிலைநாதருரையும்

ஈண்டு இயற்பெயர்மாத்திரையே தொகுத்துணர்த்தியது; இவற்றின் வினாவிளியுருபுமுதலாயினவெல்லாம் மேல் ஏற்றவிடங்களிற் காண்க. (பி - ம்.) ¹உயிரும் யகரமும் ரகரமும் ² (1) தண்ணளியன், (2) திண்ணியன் ³ (1) வண்ணாரப்பண்டி, (2) வண்ணாரப்பட்டி, (3) வண் ணாப்பட்டி
(9)
	(159)	ஈற்றியா வினாவிளிப் பெயர்முன்வலி யியல்பே.
எ - ன், வினா விளிப்பெயர்கள் வல்லினத்தொடு புணருமாறு உணர்த்துதல்நுதலிற்று. (இ - ள்.) ஈற்றுவினாமுன்னும் யாவினாமுன்னும் விளிப்பெயர்கள் முன்னும் வரும்வல்லினம் இயல்பாய்ப்புணரும் எ - று. வ - று. (*உண்கா, உண்கே, உண்கோ) + (கொற்றா, சாத்தா, தேவா, பூதா) எ -ம்; யாகுறிய, யாசிறிய, யாதீய, யாபெரிய எ - ம் வினா முன் வல்லினம் இயல்பாயின. ((கொற்றா, சாத்தா, கொற்றீ, சாத்தீ; நாகா, நம்பீ, தோழீ, செவிலீ; நாயே, நரியே, நீரே, நிலனே) + (கொள், செல், ¹தா, போ) என முப்பெயர்விளிகள்முன்னும் வல்லினம் இயல்பாயின. பொதுப்பெயருயர்திணைப்பெயர்களை முன்னே முடித்துவைத்தும் வினாவிளியுறுபேற்றுநிற்றலின், ஈண்டும் விதந்தோதினா ரென்க. (பி - ம்.) ¹து
(10)
	(160)	ஆவி யரழ விறுதிமுன் னிலைவினை ஏவன்முன் வல்லின மியல்பொடு விகற்பே.
எ - ன், முன்னிலைவினையும் முன்னிலையேவலும் வல்லினத்தொடு புணருமாறு உணர்த்துதல்நுதலிற்று. (இ - ள்.) உயிரும் யரழவென்னும் மூன்றுமெய்யும் ஈறாகவரும் முன்னிலைவினையே முன்னிலையேவலேயென்றிவற்றின்முன் வல்லினம் இயல்பாயும் விகற்பாயும் புணரும் எ - று. வ - று. (உண்டி, தின்றி, உண்டனை, தின்றனை, உண்டாய், தின்றாய்) + (கொற்றா, சாத்தா, தேவா, பூதா) எ - ம்; (1உண்டனிர், தின்றனிர்) + (கொற்றரே, சாத்தரே, தேவரே, பூதரே) எ - ம் முன்னிலைவினை முன் வல்லினம் இயல்பாயின. விகற்பம் வந்தவழிக் கண்டுகொள்க. (கொணா, எறி, விடு, ஆய், சேர், தாழ்) + (கொற்றா, சாத்தா, தேவா, பூதா) என ஏவல்முன் வல்லினம் இயல்பாயின. நடகொற்றா, நடக்கொற்றா, கிடகொற்றா, கிடக்கொற்றா, ²பெய்கொற்றா பெய்க்கொற்றா. எய்கொற்றா எய்க்கொற்றா, ஈர்கொற்றா ஈர்க்கொற்றா, தாழ்கொற்றா, தாழ்க்கொற்றா, (நட, கிட, பெய், எய், ஈர், தாழ்) + (சாத்தா, தேவா, பூதா) என ஏவல்முன் வல்லினம் விகற்பமாயின. பிறவும் வந்தவழிக் கண்டுகொள்க. * உண்காகொற்றா, உண்காசாத்தா............எனக் கூட்டுக. (கொற்றாகொள்...............என இயைக்க.