:: TVU ::

2.- உயிரீற்றுப்புணரியல்	69

ழகாரவீறு முன்னிலைவினை ஏலாமையிற் காட்டிற்றிலம். ஏவல் பிரித்தோதியது. விளங்குதற்கெனக்கொள்க. (பி - ம்.) ¹உண்டீர், தின்றீர் ²போகொற்றா, போக்கொற்றா
(11)
	(161)	இஈ ஐவழி யவ்வு மேனை உயிர்வழி வவ்வு மேமுனிவ் விருமையும் உயிர்வரி னுடம்படு மெய்யென் றாகும்.
எ - ன், உயிரீற்றுமொழிமுன் உயிர்முதன்மொழிவந்து புணருமாறு உணர்த்துதல் நுதலிற்று. (இ - ள்.) இகர ஈகார ஐகாரங்களின்வழியே யகரமும், அ ஆ உ ஊ ஒ ஓ ஒள என்னும் இவ்வேழுயிர்களின்வழியே வகரமும், ஏகாரத்தின் வழியே யகரமும் வகரமும் உயிர்முதலாகிய சொற்கள்வந்தால் உடம்படு மெய்யென்னும் பெயரவாய் வரும் எ - று. வ - று. மணியழகிது, தீயழகிது, மலையழகிது எ - ம்; (*விள, பலா, கடு, பூ, நொ, சோ, வௌ) + (அடைந்தது, ¹ஆறிற்று, ²இடைந்தது, ஈறிற்று, உடைந்தது, ³ஊறிற்று, எழுந்தது, ⁴ஏறிற்று, ஐது, ஒழிந்தது, ஓங்கிற்று) எ - ம்; “ஏயே யிவளொருத்தி பேடியோ வென்றார்” (சீவக. 652), சேவழகிது எ - ம் வந்தவாறு காண்க. மணியழகு, விளவழகு என வேற்றுமைப்பொருட்குமொக்கும். ஒளகாரம் தானே மொழிக்குமுதலாதல் வழக்குப்பயிற்சியின்மையின், இன்னோரன்ன இடங்களில் வாராது. எகரமும் அளபெடையினல்லது தானாகநின்றும் மெய்யோடுகூடிநின்றும் ஈறாகாமையால், ஈற்றுக்குவரும் விதிகளைப் பெரும்பாலும் ஏலாதென்க. இதனை, இயல்பு புணர்ச்சியென்பாருமுளர். (பி - ம்.) ¹ஆடிற்று ²இழைந்தது ³ஊற்றிற்று ⁴ஏற்றிற்று
(12)
	(162)	எகர வினாமுச் சுட்டின் முன்னர் உயிரும் யகரமு மெய்தின் வவ்வும் பிறவரி னவையுந் தூக்கிற் சுட்டு நீளின் யகரமுந் தோன்றுத னெறியே.
எ - ன், வினாவும் சுட்டும் நாற்கணத்தோடு புணருமாறு உணர்த்துதல் நுதலிற்று. (இ - ள்.) எகரவினாமுன்னும் சுட்டுக்கண்முன்னும் உயிரும் யகரமும் வந்தால் வகரமும், ஏனை ஒன்பதுமெய்யும்வந்தால் வந்தவையும், செய்யுட்கட் சுட்டுநீண்டிசைத்தவழி யகரமும் மிகுதல் முறைமை எ - று. வ -று. எவ்வணி, ¹எவ்யானை; அவ்வணி, ²அவ்யானை; இவ்வணி, ³இவ்யானை; உவ்வணி, ⁴உவ்யானை எ - ம்; எக்குதிரை, எச்சேனை, எத்தண்டு, எந்நாடு, எப்படை, எம்மனை, எவ்வளை, எஞ்ஞாலம், எங்ஙனம்
* விளவடைந்தது .............. என இயைக்க.