:: TVU ::

2.- உயிரீற்றுப்புணரியல்	79

(இ - ள்.) ¹இடைத்தொடர் ஆய்தத்தொடர்க் குற்றுகரங்கள் முன்னும் இடையில் ஒற்றுமிகாத நெடிலுயிர்த்தொடர்க்குற்றுகரங்கள் முன்னும் வரும் வல்லெழுத்துக்கள் வேற்றுமைக்கண் இயல்பாம் எ - று. வ - று. ²தெள்குகடுமை, எஃகுகடுமை; சிறுமை, தீமை, பெருமை என இடைத்தொடர்முன்னும் ஆய்தத்தொடர்முன்னும் வல்லெழுத்துக்கள் இயல்பாயின. நாகுகால்; செவி, தலை, புறம் எ - ம், வரகு, கதிர்; சோறு, தாள், பதர் எ - ம் ஒற்றிடையின்மிகாத நெடிலுயிர்த்தொடர்முன் இயல்பாயின. இவற்றின்முன் இயல்பாமெனவே ஒழிந்துநின்ற வன்றொடரும் மென்றொடரும் ஒற்றிடையேமிகும் நெடிற்றொடரும் உயிர்த்தொடரும் உயிரீற்றுப் பொதுவிதியானே மிக்குமுடியுமென்க. அவை: கொக்குக்கால், குரங்குக்கால், ஆட்டுக்கால், பாற்றுக்கால், முருட்டுக்கால், முயிற்றுக்கால்; செவி, தலை, புறம் எனவரும். பிறவுமன்ன. (பி - ம்.) ¹இடையொற்றுத்தொடர் ²தொள்கு
(32)
	(182)	நெடிலோ டுயிர்த்தொடர்க் குற்றுக ரகங்களுள் டறவொற் றிரட்டும் வேற்றுமை மிகவே.
எ - ன், எய்தியதன்மேற் சிறப்புவிதியுணர்த்துதல்நுதலிற்று. (இ - ள்.) நெட்டெழுத்தீற்றினும் உயிர்த்தொடரீற்றினும் ¹உகரப் பற்றுக்கோடாய்வரும் வல்லெழுத்து ஆறனுள் ²டகார றகாரமான இரண்டொற்றும் பெரும்பாலும் வேற்றுமைக்கண்மிகும் எ - று. எனவே வேற்றுமைக்கட் சில மிகாமையும் அல்வழிக்கட் சில மிகுதலும் ஏனைமெய்களுள்ளும் சில மிகுதலும் உளவாமெனக் கொள்க. வ - று. ஆட்டுக்கால், பாற்றுக்கால், முருட்டுக்கால், முயிற்றுக்கால்; (ஆடு..............முயிறு) + செவி, தலை, ³புறம், நிறம், மயிர், யாப்பு, ⁴வலிமை, அடி, ஆய்வு என வேற்றுமைக்கண் நாற்கணத்துடனும் மிக்கன. “நாடுகிழவோனே” (பொருந. 248) “காடகமிறந்தார்க்கே, ஓடுமென் மனனே காண்” (யா. வி. உரை), “கறைமிட றணியலு மணிந்தன் றக்கறை” (புறநா. கடவுள்) என வேற்றுமைக்கண் மிகாவாயின. காட்டரண், குருட்டுக் கோழி, முருட்டுப்புலையன், களிற்றியானை, ⁵ “வெளிற்றுப் பனை” (புறநா. 35) ⁶ “எயிற்றுப்பல்” என அல்வழிக்கண்மிக்கன. “வெருக்குக் கண்”, (நாலடி. 210) எருத்துக்கால்; செவி, தலை, புறம் எனப் பிறமெய்கள் மிக்கன. (பி - ம்.) ¹உகரம்பற்றுக்கோடாய் ²டறவொற்றிரண்டும் ³புறம் என வரும். ⁴வலுமை ⁵வெளிற்றுப்பன்றி ⁶களிற்றேனம்
(33)
	(183)	மென்றொடர் மொழியுட் சிலவேற் றுமையில் தம்மின வன்றொட ராகா மன்னே.
எ - ன், எய்தாததெய்துவித்தல்நுதலிற்று.