:: TVU ::

82	நன்னூல் மூலமும், மயிலைநாதருரையும்

வ - று. ஒன், இரண், மூன், நான், ஐந், ஏழ், எட் என வரும். ஏற்புழி எ - து இவ்விதிகள் யாண்டும் ஆகா; தமக்குப் பொருந்திய வழியே வருவனவாம் எ - று. என்மனார்புலவர் எ - து என்றுசொல்லுவர் அறிவுடையோர்எ - று. இதனுள் ‘எண்ணிறையளவும் பிறவுமெய்தின்’ என்பதனை மேல் வரும் ஐந்துசூத்திரத்தோடு கூட்டியும், ‘ஏற்புழி’ என்பதனை இப்பொருண்மை அதிகாரம் முற்றுமளவு உய்த்தும் உரைக்க. (பி - ம்.) ¹ஒன்றும் இரண்டும் முதனீளும் ²ஓரடை ³ஓரியாண்டு ⁴ஈரடை ⁵ஈரிலைபோந்தன ⁶முக்காலி
(38)
	(188)	ஒன்றன் புள்ளி ரகர மாக இரண்ட னொற்றுயி ரேகவுவ் வருமே.
இதுவுமது. (இ - ள்.) எண்முதல் நாற்பெயரும்வருமிடத்து ஒன்றென்னும் எண்ணிடைநின்ற ¹னகரம் ரகரமாக இரண்டென்னும் எண்ணிடைநின்ற ணகர வொற்றும் ²ரகரமிசைநின்ற அகரமும்போக அவ்விரண்டெண்ணின் ரகரத்தின்மேலும் உகரம்வரும் எ - று. வ - று. ³ஒருபது, இருபது; கழஞ்சு, கலம், கல் எனவரும் (பி - ம்.) ¹னகரவொற்று ²அதனயல் ரகாரமிசை ³ஒருபணம், இருபணம்; ஒரு, இரு எனவரும்.
(39)
	(189)	மூன்றனுறுப் பழிவும் வந்தது மாகும்.
இதுவுமது. (இ - ள்.) எண்ணாதிப்பெயர்வருமிடத்து மூன்றென்னும் எண்ணிடை நின்றஒற்று, கெடுதலும் வந்தஒற்றாகத் திரிதலுமாம்எ - று. வ - று. மூவொன்று, மூவெடை, மூவுழக்கு, மூவுலகு எனவும்; முப்பது, முக்கழஞ்சு, முந்நாழி, மும்மொழி எனவும் வரும்.
(40)
	(190)	நான்கன் மெய்யே லறவா கும்மே.
இதுவுமது. (இ - ள்.) எண்ணாதிப்பெயர் வருமிடத்து நான்கென்னும் எண்ணிடை நின்ற னகரம் லகரமும் றகரமுமாகத்திரியும் எ - று. வ - று. நாலொன்று, நாலெடை, நாலுழக்கு, ¹நால்யானை எனவும்; நாற்பது, நாற்கழஞ்சு, நாற்கலம், நாற்கவி எனவும் வரும். (பி - ம்.) ¹நாலியானை
(41)
	(191)	ஐந்தனொற் றடைவது மினமுங் கேடும்.
இதுவுமது. (இ - ள்.) எண்ணாதிப்பெயர் வருமிடத்து ஐந்தென்னுமெண்ணிடை நின்ற ஒற்று வருமொற்றாகியும் அதற்கினமாகியும் ¹ கெட்டும் முடியும் எ - று.