:: TVU ::

90	நன்னூல் மூலமும், மயிலைநாதருரையும்

	(209)	குறிலணை வில்லா ணனக்கள் வந்த நகரந் திரிந்துழி நண்ணுங் கேடே.
எ - ன், எய்தியதுவிலக்கிப் பிறிதுவிதிவகுத்தல் நுதலிற்று. (இ - ள்.) தனியான குறிலொன்றனையுமொழிந்த ஒருமொழி தொடர் மொழிகளைச்சார்ந்த ணகாரனகாரங்கள் ¹வந்த நகரம்திரிந்தபின் கெடுவனவாம் எ -று. வ - று. (*பாண், பரண், பசுமண், ²மணிப்பூண், பைங்கண்) + (நன்று) எ - ம், (நன்மை) எ - ம், (வான், வலன், வயான், வலியான், வாலன், ³பல்லன், அருமணவன்) + (நன்று) எ - ம், (நன்மை) எ - ம் இருவழியும் கெட்டன. (பி - ம்.) ¹வருமொழிமுதலாகிய நகரம்திரிந்தபின் ²பன்மணிப்பூண் ³வல்லன்
(7)
	(210)	சாதி குழூஉப்பரண் கவண்பெய ரிறுதி இயல்பாம் வேற்றுமைக் குணவெண் சாண்பிற டவ்வா கலுமா மல்வழி யும்மே.
எ - ன், ணகாரவீற்றிற்கு இருவழியும் எய்தியதுவிலக்கிப் பிறிதுவிதி வகுத்தல் நுதலிற்று. (இ - ள்.) சாதிபற்றியும் ¹திரள்பற்றியும்வரும் பெயர்களும், பரண், கவணென்னும், பெயர்களு²மான இவற்றின் ஈற்றுக்கண் ணகாரம் வல்லி னம்³வந்தால் வேற்றுமைக்கண்ணும் இயல்பாம். எண்ணென்னும் உணவுப் பெயரும் சாணென்னும் நீட்டலளவுப்பெயரும் வல்லெழுத்துவரின் ⁴திரிந்து டகாரமாகவும்பெறும், அல்வழிக்கண்ணும் எ - று. வ - று. பாண்குடி, உமண்குடி; சேரி, தோட்டம், பாடி எனச் சாதிப் பெயரும், அமண்குடி; சேரி, தோட்டம், பாடி எனக் குழூஉப்பெயரும், பரண்கால், கவண்கால் எனவரும் தனிப்பெயரும் வேற்றுமைக்கண் இயல்பாயின. எட்கடிது; சிறிது, தீது, பெரிது எனவும், ⁵சாட்கோலெனவும் அல்வழிக்கண் திரிந்தன. உம்மையால் திரியாமையே வலியுடைத்தென்க. ‘பிற’ என்றமிகையானே, கண்கடுமை, அட்டூண்டுழனி என்பனவும், ணகாரவீற்றுப் ⁶பிறவருவன உளவேல் அவையும்அறிந்து முடிக்க. (பி - ம்.) ¹குழூஉப்பற்றியும் ²ஆனஈற்றுக்கண் ³வந்தாலும்வேற் றுமைக்கண் ⁴ணகாரம்டகாரமாகவும் ⁵(1) எட்குப்பை; சுருணை, திரள், பொரி எனவும் இவை இருவழியும்திரிந்தன; ‘அல்வழியும்’ என்பதனால் வேற்றுமைக்கண்ணும் பெற்றன. (2) சாட்கோலெனவும் காண்க. ⁶பிறவும் வருவனவேற்றுமையறிந்து.
(8)
* பாணன்று,.....................அருமணவனன்மையென இயைக்க.