:: TVU ::

96	நன்னூல் மூலமும், மயிலைநாதருரையும்

கோடு..........சார்க்கோடு சார்ங்கோடு ³எ - ம் வேற்றுமைக்கண் உறழ்ந்தன. ‘மேல்’ என்றதனால், வேற்றுமைக்கண், “வாய்புகுவதனினுங் கால் பெரிது கெடுக்கும்” (புறநா. 184), “தூங்குதோற்றுதிய ⁴வள்ளுகிர்கதுவலின்” (அகநா. 8) என்றற்றொடக்கத்து இயல்பும், பாழானகிணறு பாழ்க்கிணறு பாழ்ங்கிணறு என்றற்றொடக்கத்து அல்வழியுறழ்வும் பிறவும் கொள்க. (பி - ம்.) ¹மெய்க்கதி, மெய்ச்சொல் ²கடி, செய்கை ³ என முறையே உறழ்ந்தன⁴ (1) வள்ளுகிர்தூவின, (2) வள்ளுகிர்தாவின
(21)
	(224)	தமிழவ் வுறவும் பெறும்வேற் றுமைக்கே தாழுங் கோல்வந் துறுமே லற்றே.
எ - ன், எய்தியதன்மேற் சிறப்புவிதியுணர்த்துதல்நுதலிற்று. (இ - ள்.) தமிழென்னுமொழி வேற்றுமைக்கண் அகரம் ¹பெறும். தாழென்னுமொழியும் கோலென்பதுவரின் அகரம் ²பெறும் எ - று. வ - று. தமிழப்பல்லவதரையர், தமிழக்கூத்து; சேரி, தோட்டம், பிள்ளை எ - ம், தாழக்கோல் எ - ம் வரும். உம்மையால், தமிழ்க்கூத்து, தாழ்க்கோலெனவும் வருமென்க. (பி - ம்.) ¹பெறவும் ²பெறவும் உரிய
(22)
	(225)	கீழின்முன் வன்மை விகற்பமு மாகும்.
எ - ன், எய்தியதுவிலக்கிப் பிறிதுவிதிவகுத்தல்நுதலிற்று. (இ - ள்.) கீழென்னுமொழியின்முன் வன்மை ஒருகால்மிக்கும் ஒருகால்மிகாதும் வரும் எ - று. வ - று. கீழ்க்குளம், கீழ்குளம்; சேரி, துறை, பாடி எனவரும். அல்வழியினும் ஏற்புழிக் கொள்க.
(23)
	(226)	லளவேற் றுமையிற் றடவு மல்வழி அவற்றோ டுறழ்வும் வலிவரி னாமெலி மேவி னணவு மிடைவரி னியல்பும் ஆகு மிருவழி யானு மென்ப.
எ - ன், லளவீறுபுணருமாறுணர்த்துதல் நுதலிற்று. (இ - ள்.) லகாரளகாரமான ¹இரண்டீறும் வல்லினம்வரின் வேற்றுமைக்கண் முறையே றகார டகாரங்களாம்; அல்வழியில் றகாரடகாரங்களுடனே உறழ்வனவாம்; இருவழியும் மெல்லினம்வரின் னகாரணகாரங்களாம்; இடையினம்வரின் இயல்புகளாமென்று சொல்லுவர்புலவர் எ - று. வ - று. (கல், நூல், விரல், வரால், ஆரல்) + (குறை, சிறை, தலை, புறம்) எ - ம் (முள், வாள், புரள்) + (குறை, சிறை, தலை, புறம்) எ - ம் கற்குறை................புரட்புறமென இயைக்க.