:: TVU ::

98	நன்னூல் மூலமும், மயிலைநாதருரையும்

(கடிது, சிறிது, பெரிது) எ - ம், உருள் கடிது; சிறிது, பெரிது எ - ம் அல்வழியில் உறழாது இயல்பாயின. புழுங்கற்கறி; சோறு துவரை பயறு; அழுங்கற்காய்; ⁵சோறு தோரை பாக்கு எ - ம், ⁶சழுங்கற்கூரை, ஆரற்சுவர், “புழற்காலாம்பல்” (புறநா. 266), புலிவிற் ⁷கெண்டை எ - ம் அல்வழியில் திரிந்தே நின்றன. “ஏனல்காவலிவளுமல்லள்” (தொல். பொரு. சூ. 114, உரை.) “⁸ஏனல் காவலிவ ளாயின ளெனவே” (நற். 102), “அணில்வரிக் கொடுங்காய் வாள்போழ்ந்திட்ட” (புறநா. 246), “நீள்கழன் மறவர் செல்வுழிச் செல்கென, வாள்போழ்ந் தடக்கலு முய்ந்தனர்;மாதோ” (புறநா. 93) எனவும் வேற்றுமைக்கண் இயல்பாயின. ‘பிற’ என்றமிகையானே நூற்கடல், நூல்சில, நூல்பல என ஒன்றே அல்வழிக்கண் உறழாது ஓரிடத்துத் திரிந்தும் ஓரிடத்துத் திரியாதும்வந்தது. கொல்களிறு, செல்சாத்து, கொள்பொருள் என வினைத்தொகை உறழாது இயல்பாயின. “வெஞ்சொற் ⁹றீதென்றே விடு”, “பெயர்ச்சொற் றொகுமாறு பேசு” என இவை கெடாது திரிந்து வந்தன. பிறவும் இவ்விரண்டீற்றினும் இருவழியும் முடியாதன உளவேல் அவையும் இதனான் முடிக்க. (பி - ம்.) ¹இருவழியும் ²எண்கோல் ³செங்கோல் ⁴சுருள் ⁵சாறு ⁶சழங்கற்கூறை ⁷கெண்டை நாண் எ - ம், ⁸ (1) “ஏனல்காவலாயினளி வளே. (2) ஏனல்காவலாயினளெனவே” எ - ம் ⁹ (1) தீதன்றோவிடும்; (2) தீதன்றேவிடு
(26)
	(229)	லளவிறு தொழிற்பெய ரீரிடத்து முவ்வுறா வலிவரி னல்வழி யியல்புமா வனவுள.
இதுவுமது. (இ - ள்.) ¹லகார ளகாரவீற்றுத் தொழிற்பெயர்களுள்ளும் சில இருவழியும் மேல்விதித்த உகரம் ஏலா; வல்லினம்வந்தால் அல்வழிக்கண் மேற்சொன்ன உறழ்வு உறழாது இயல்பாவனவுமுளஎ - று. எனவே அல்வழிக்கண் ஏனைமெய்கள் வந்தாலும் வேற்றுமைக்கண் அனைத்துமெய்களும்வந்தாலும் இவற்றிற்கு மேற்சொன்ன பொதுவிதிகளே ஆமென்பதுவும் கொள்க. வ - று. (முன்னல், பின்னல், உள்ளல், துள்ளல், ²அலவல், ஆடல், பாடல், ஓதல், ஈதல்) + (கடிது, சிறிது, பெரிது) என லவ்வீறு, அல்வழிக் கண் உகரம்பெறாது இயல்பாயிற்று; முன்னற்கடுமை என வேற்றுமைக் கண் உகரம்பெறாதுதிரிந்தது. கோள்கடிது; சிறிது, பெரிது எ - ம், கோட் கடுமை; சிறுமை, பெருமை எ - ம் ளகாரவீறு, இருவழியும் உகரம் பெறாது அல்வழிக்கண் இயல்பாயும் வேற்றுமைக்கண் திரிந்தும் வந்தது. பிறவுமன்ன. இவற்றை முன்னர்த் தொழிற்பெயரைச் சாரவையாது ஈண்டுப் போதந்துவைத்தது இவற்றின் வாய்பாட்டு வேற்றுமைதோன்றற்கெனக் கொள்க. (பி - ம்.) ¹இவ்விரண்டீற்று ²அல்லல
(28)