:: TVU ::

பக்கம் எண் : 132

நன்னூல் விருத்தியுரை
‘சூத்திரத் துட்பொரு ளன்றியும்’ என்றமையான் மேற் கூறிய (21) பதினான்கு உறுப்பும் கொண்டது³⁸ விருத்தியுரை என்பது பெற்றாம். (23)
நூலின் பெயர்க்காரணம்
24.	பஞ்சிதன் சொல்லாப் பனுவ லிழையாகச் செஞ்சொற் புலவனே சேயிழையா - வெஞ்சாத கையேவா யாகக் கதிரே மதியாக மையிலா நூன்முடியு மாறு.
எ-னின், நூல் என்னும் பெயர் வருமாறு³⁹உணர்த்துதல் நுதலிற்று. இ-ள்: இந்த நூல் முடியுமாறு இது ஆதலின் நூல் என்றது உவமவாகுபெயராம் எ-று. (24)
நூலின் மாண்பு
25.	உரத்தின் வளம்பெருக்கி யுள்ளிய தீமைப் புரத்தின் வளமுருக்கிப் பொல்லா - மரத்தின் கனக்கொட்டந் தீர்க்குநூ லஃதேபோன் மாந்தர் மனக்கோட்டந் தீர்க்குநூன் மாண்பு.
எ-னின், இதுவும் அது. இ-ள்: அந்நூல்போல் செப்பம் செய்தலானும் நூல் என்றது உவமவாகுபெயராம் எ-று. புரத்தினது உரத்தின் வளம் பெருக்கி உள்ளிய தீமைவளம் முருக்கி எனக் கூட்டுக. புரம்- உடம்பு; உரம்- நெஞ்சு. பின்பு தீமைவளம் என்றமையான் முன்பு நல்வளம் எனத் தந்துரைக்க நல்வளம்-அறிவு; தீமைவளம்- அறியாமை. (25) ----------------------------------- ³⁸இவ்வுரையை மறுத்து, “ஐங்காண்டிகை உறுப்போடு என்றதினால ஐங்காண்டிகை உறுப்பின் மேற்பட்டு வருவன எல்லாம் விருத்தியுரை” என்று இராமாநுச கவிராயர (நன். 23) விளக்குவார். ³⁹“நூல் போறலின் நூல் என்பன பாவை போல்வாளைப் பாவை என்றாற்போல.” என்று இறையனார் அகப்பொருள் உரையும் (இறை. 1) யாப்பருங்கல விருத்தியும் (பாயி.) நூலின் பெயர்க்காரணத்தை விளக்கும்.