| நன்னூல் விருத்தியுரை
|
செய்வினை மருங்கிற் செலவயர்ந் தியாழ” (கலி. 7:5) எனவும் முறையே காண்க.(21)
| | எல்லா இடத்தும் வரும் அசைச்சொற்கள்
| | 441. | யாகா பிறபிறக் கரோபோ மாதிகுஞ்
சின்குரை யோரும் போலு மிருந்திட்
டன்றாந் தாந்தான் கின்றுநின் றசைமொழி. |
எ-னின், யா முதலிய இடைச்சொற்களின் இலக்கணம் உணர்த்துதல் நுதலிற்று.
இ-ள்: இவ்விருபது இடைச்சொல்லும் முன்னைய போலாது எல்லா இடத்தினும்
எல்லாச் சொல்லினும் வரும் அசைச்சொல்லாம் எ-று.
விதவாமையின் எல்லா இடத்தினும் எல்லாச் சொல்லினும் வரும் என்பது பெற்றாம்.
வ-று:
“வாழ்கநின் கழலடி மைந்த வென்னவே
தோழியா சுவாகதம் போத வீங்கிதென்” (சீவக. 1021:1-2*)
எனவும்,
“அறநிழ லெனக்கொண்டாய் நின்குடை யக்குடைப்
புறநிழற் பட்டாளோ விவளிவட் காண்டிகா” (கலி. 99:8-9*)
எனவும்,
“மேயுநிரை முன்னர்க் கோலூன்றி நின்றாயோர்
ஆயனை யல்ல பிற” (கலி. 108:11-12)
எனவும், “பிறக்கதனுட் செல்லான் பெருந்தவப் பட்டான்” (நன். 440 மயிலை.) எனவும்,
“நோதக, விருங்குயி லாலு மரோ” (கலி. 33:24-25) எனவும்,
“எரியி னன்ன செந்தலை யன்றில்
பிரியின் வாழா தென்போ (நன். 440 மயிலை.)
எனவும், “விளிந்தன்று மாதோ தெளிந்தவெங் கண்ணே” (நற். 178:10*) எனவும், “கண்டிகு
மல்லமோ கொண்க” (ஐங். 121:1) எனவும், “ஈங்கா கியவா லென்றிசின்” (நற். 55:12*)
எனவும், “அது பெறலருங் குரைத்தே” (புறம். 5:8) எனவும், “அஞ்சுவ தோரு மறனே”
(குறள். 366) எனவும், “வடுவென்ற கண்ணாய் வருந்தினை போலும்” (நன். 440 மயிலை.)
எனவும், | |
|
|