| நன்னூல் விருத்தியுரை
|
| ஈரறிவுயிர்
|
| 446. | முரணந் தாதிநா வறிவொடீ ரறிவுயிர். |
எ-னின், ஈரறிவுயிர் இவை என உணர்த்துதல் நுதலிற்று.
இ-ள்: இப்பியும் சங்கும் முதலியன கீழ்ப் போன மெய்யறிவே அன்றி நாவால்
இரதத்தை அறியும் அறிவோடு ஈரறிவுயிர்களாம் எ-று. (5)
|
| மூவறிவுயிர்
|
| 447. | சிதலெறும் பாதிமூக் கறிவின்மூ வறிவுயிர். |
எ-னின், மூவறிவுயிர் இவை என உணர்த்துதல் நுதலிற்று.
இ-ள்: கறையானும் எறும்பும் முதலியன கீழ்ப் போன இரண்டு அறிவுகளே அன்றி
மூக்கால் கந்தத்தையும் அறியும் அறிவினோடு மூவறிவுயிர்களாம் எ-று.
மேல், “ஒடு”வை (நூ. 446) ஈண்டும் வருவித்துக்கொள்க. (6)
|
| நாலறிவுயிர்
|
| 448. | தும்பிவண் டாதிகண் ணறிவினா லறிவுயிர். |
எ-னின், நாலறிவுயிர் இவை என உணர்த்துதல் நுதலிற்று.
இ-ள்: தும்பியும் வண்டும் முதலியன கீழ்ப் போன மூன்று அறிவே அன்றிக்
கண்ணால் உருவத்தை அறியும் அறிவினோடு நாலறிவுயிர்களாம் எ-று. (7)
|
| ஐயறிவுயிர்
|
| {449} | வானவர் மக்க ணரகர் விலங்குபுள்
ஆதிசெவி யறிவோ டையறி* வுயிரே. |
எ-னின்440 ஐயறிவுயிர் இவை என உணர்த்துதல் நுதலிற்று.
இ-ள்: வானவரும் மக்களும் நரகரும் விலங்கும் புள்ளும் முதலியன கீழ்ப் போன
நாலறிவே அன்றிச் செவியால் சத்தத்தை அறியும் அறிவினோடு ஐயறிவுயிர்களாம் எ-று.
சித்துப்பொருள், சடப்பொருள் என்பார், “உயிருயி ரல்லதாம் பொருள்” (நூ.
----------------------------------
440“யறிவொ டையறி” என்பது சங்கர நமச்சிவாயர் பாடம். |