பாங்கி யஞ்சியச் சுறுத்தலும் ஆங்கவன்
கையுறை புகழ்தலும் தையல் மறுத்தலும்
ஆற்றா நெஞ்சினோ டவன்புலத் தலுமவள்
ஆற்றுவித் தகற்றலும் ஆகுநா லைந்தும்
இரந்துபின் னிற்றற்குஞ் சேட்படுத் தற்கும்
பொருந்துவ என்மனார் தெரிந்திசி னோரே.

(இ - ம்.) பாங்கியிற் கூட்டத்தின் விரி உணர்த்துதல் நுதலிற்று.

(இ - ள்.) தலைவனுட்கோள் சாற்றல் முதலாகப் பாங்கி ஆற்றுவித்தகற்றல் ஈறாகச் சொல்லப்பட்ட இருபதும் இரந்து பின்னிற்றற்கும் சேட்படுத்தற்கும் பொருந்தும் கிளவியென்று சொல்லுவர் ஆய்ந்தோர் என்றவாறு.

அவற்றுள், தலைவனுட்கோள் சாற்றற்குச் செய்யுள்:

¹"வாவுங் கலைவிந்தை காவலன் வாணன்றென் மாறையன்னீர்
ஏவுந் தொழிலெனக் கேதிய லாததிங் கேநுமக்கோர்
மேவுஞ்செய் குன்றமுஞ் சோலையு மாகப்பொன் வெற்பும் விண்ணோர்
காவுந் தரவும்வல் லேனெனை யாளுங் கடைக்கண் வைத்தே"

பாங்கி குலமுறை கிளத்தற்குச் செய்யுள்:

²"நீவே றுரைக்கின்ற தென்குற மாதெங்க ணேரிழைபோர்
மாவேழ வன்படை வாணன்றென் மாறை மணியையன்றித்
தாவேது மில்லாத் தமனிய மீது தலம்புரக்குங்
கோவே யழுத்துவ ரோவறி யோருங் குருவிந்தமே"

எனவும்,

³"இவளே
கான னண்ணிய காமர் சிறுகுடி
நீனிறப் பெருங்கடல் கலங்க வுள்புக்கு
மீனெறி பரதவர் மகளே
நீயே,
நெடுங்கொடி நுடங்கு நியம மூதூர்க்
கடுந்தேர்ச் செல்வன் காதன் மகனே
நிணச்சுறா வறுத்த வுணங்கல்வேண்டி.

1. த. கோ. செ: 81.

2. த. கோ. செ: 82.

3. நற்றிணை, செ: 15.