¹"நறுந்தண் டகரம் வகுள மிவற்றை
வெறும்புதல்போல் வேண்டாது வெட்டி- யெறிந்துழுது
செந்தினை வித்துவார் தங்கை பிறர்நோய்க்கு
நொந்தினைய வல்லளோ நோக்கு"

எனவும் வரும்.

காதலன் தலைவி மூதறிவுடைமை மொழிதற்குச் செய்யுள்:

²"வருநீர் வனமுலை மங்கைநல் லாய்செங்கை வாணன்வையை
தருநீர் மலிவயற் றஞ்சையன் னாளன்று தஞ்சமிலேன்
அருநீர் நவையுறக் கண்மலர் நீர்தெளித் தாற்றினளால்
இருநீர் நிலங்கொள்ளு மோவறி யாளென்னு மிவ்வுரையே"

எனவும்,

³"அணங்குடைப் பனித்துறைத் தொண்டி யன்ன
மணங்கமழ் பொழிற்குறி நல்கின ணுணங்கிழைப்
பொங்கரி பரந்த வுண்கண்
அங்கலுழ் மேனி யசையிய லெமக்கே"

எனவும் வரும்.

பாங்கி முன்னுறு புணர்ச்சி முறையுறக் கூறற்குச் செய்யுள்:

⁴"செறிவளர் காவி வயற்றஞ்சை வாணன் சிறுமலைமேல்
நெறிவளர் வார்குழ னேரிழை யாளன்ன நீர்மையளேற்
குறிவளர் காவின்முன் கூடிய வாறின்னுங் கூடுகநீ
கறிவளர் சாரல்வெற் பாபிற ராலென்ன காரியமே"

என வரும்.

தன்னிலை தலைவன் சாற்றற்குச் செய்யுள்:

⁵"உரைத்தென் பிறவந்தப் பைந்தொடி யாக முறாவிடில்வெண்
டிரைத்தென் கடன்முத்துந் தென்மலைச் சந்துஞ் செழும்பனிநீ
ரரைத்தென் புருகமெய் யப்பினும் வெப்ப மறாதினிநின்
வரைத்தென் கருமமெல்லாந்தஞ்சை வாணன் வரையணங்கே"

எனவும்,

1. திணைமாலை நூற். செ: 24.

2. த. கோ. செ: 91.

3. ஐங்குறு. செ: 174.

4. த. கோ. செ: 92.

5. த. கோ. செ: 93.