¹"தோளுங் கூந்தலும் பலபா ராட்டி
வாழ்த லொல்லுமோ மற்றே செங்கோற்
குட்டுவன் றொண்டி யன்ன
வெற்கண்டு நயந்துநீ நல்காக் காலே"

எனவும் வரும்.

பாங்கி உலகியலுரைத்தற்குச் செய்யுள்:

²"விரையக நாண்மலர் மெல்லியன் மாதை விரும்பினையேல்
வரையக நாட வரைந்துகொ ணீதஞ்சை வாணன்முந்நீர்த்
தரையக நான்மறைக் கேள்வியர் வேள்வியர் சான்றவர்தம்
உரையக நாடிமுன் னிட்டன தாகு முலகியலே"

எனவும்,

³"கோடீ ரெல்வளைக் கொழும்பல் கூந்தல்
ஆய்தொடி மடவரல் வேண்டுதி யாயின்
தெண்கழிச் சேயிறாப் படூஉந்
தண்கடற் சேர்ப்ப வரைந்தனை கொண்மோ"

எனவும் வரும்.

தலைமகன் மறுத்தற்குச் செய்யுள்:

⁴"வெண்டா மரைமங்கை காதல னாகிய வேதியன்பால்
உண்டா கியதொல் லுலகிய லாலுங்க ளாரணங்கை
வண்டார் குழலி வரைந்துகொள் வேன்றஞ்சை வாணன்வண்மை
கண்டா லருளுள்ள நீயென தாருயிர் காத்தபின்னே"

என வரும்.

பாங்கி யஞ்சி யச்சுறுத்தற்குச் செய்யுள்:

⁵"மல்லார் புயன்றஞ்சை வாணன்வெற் பாவெமர் வந்தி யினிக்
கல்லார் வியன்புனங் காவல் விடாரவர் காணின்மிகப்
பொல்லா திருண்டது போதுமற் றியாங்களும் போதுமிங்கு
நில்லா தெழுந்தரு ணீயுமிப் போது நெடுந்தகையே"

எனவும்,

1. ஐங்குறு. செ: 178. 

2. த. கோ. செ: 94. 

3. ஐங்குறு. செ: 196. 

4. த. கோ. செ: 95. 

5. த. கோ. செ: 96.