¹"கவர்பரி நெடுந்தேர் மணியு மிசைக்கும்
பெயர்பட +விளங்கிய விளைஞரு மொலிப்பர்
கடலாடு வியலிடைப் பேரணிப் பொலிந்த
திதலை யல்குல் நலம்பா ராட்டிய
வருமே தோழி வார்மணற் சேர்ப்ப
²னிற்பட வாங்கிய முழவுமுதற் புன்னை
மாவரை மறைகம் வம்மதி பானாட்
பூவிரி கானற் புணர்குறி வந்துநம்
மெல்லிணர் நறும்பொழிற் காணாதவ
னல்ல லரும்படர் காண்கநாஞ் சிறிதே"

எனவும் வரும்.

தோழி சிறைப்புறமாகத் தலைமகற்குச் செறிப்பறிவுறுத்தற்குச் செய்யுள்:

³"தொடைக்கணி யார்தடந்தோளவர் கேளலர் தோகையன்னா
ருடைக்கணி யாந்தழை கொய்யா ருழவ ருடைத்ததெண்ணீர்
மடைக்கணி யார மிடுந்தஞ்சை வாணன் வரையின் முன்போற்
கடைக்கணி யார்கணி யார்நம்மை நாளைக் கருங்கணியே"

எனவும்,

⁴"வினைவிளையச் செல்வம் விளைவதுபோ னீடாப்
பனைவிளைவு நாமெண்ணப் பாத்தித்-தினைவிளைய
மையார் தடங்கண் மயிலன்னாய் தீத்தீண்டு
கையார் பிரிவித்தல் காண்"

எனவும் வரும்.

தோழி தலைமகற்கு முன்னிலைப்புறமொழி மொழிந்து இற்செறிப்புணர்த்தற்குச் செய்யுள்:

⁵"பயில்காள பந்திப்புயலன்ன வோதியைப் பைங்கிள்ளைகாண்
மயில்காள் சிறிது மறக்கப்பெ றீர்தஞ்சை வாணன்வெற்பிற்
குயில்காள மெங்கு மியம்புதண் சோலையிற் கூடியின்ப
மயில்காள வெங்கதிர் வேலன்பர் சால வயர்ப்பினுமே"

எனவும்,

1. நற்றிணை, செ: 307.

(பாடம்) 2. 'இயங்கிய இனையரும்,'

(பாடம்) 3. னிழல்பட

4. த. கோ. செ: 151.

5. திணைமாலை நூற்: 5.

6. த. கோ. செ: 152.