¹"முறஞ்செவி யானைத்தடக்கையிற் றடைஇ
யிறைஞ்சிய குரல பைந்தாட் செந்தினை
வரையோன் வண்மை² பாடினர் போலக்
கிளையோ டுண்ணும் வளைவாய்ப் பாசினங்
குல்லை குளவி கூதளங் குவளை
யில்லமொடு மிடைந்த வீர்ந்தண் கண்ணியன்
சுற்றமை வில்லன் ³செயலைத் தோன்று
நற்றார் மார்பற் காண்குறிற் சிறிய
⁴நற்கவற் கறிய வுரைமின் பிற்றை
யணங்கு மணங்கும் போலு மணங்கி
வறும்புனங் காவல் விடாமை
யறிந்தனி ரல்லிரோ வறனில் யாயே"

எனவும் வரும்.

பாங்கி தலைமகன் முன்னின்று செறிப்பறிவுறுத்தற்குச் செய்யுள்:

⁵"கானலங் கான்மலர்க் கள்வாய்க் கருங்கணி கட்டுரையாற்
கூனலஞ் சாய்பொற் குரலுங்கொய் தாரெமர் கொற்றவயாம்
ஏனலங் காவலு மின்றே யொழிந்தன மேழ்புவிக்குந்
தானலங் காரமன் னான்றஞ்சை வாணன் றமிழ்வெற்பிலே"

எனவும்,

⁶"மால்வரை வெற்ப வணங்குகுரலேனல்
காவ லியற்கை யொழிந்தேம்யாம்-தூவருவி
பூக்கண் கழூஉம் புறவிற்றாய்ப் பொன்விளையும்
பாக்க மிதுவெம் மிடம்"

எனவும் வரும்.

பாங்கி தலைமகன் முன்னின்று செறிப்புணர்த்தி யோம்படை சாற்றற்குச் செய்யுள்:

⁷"கனஞ்சாய நல்கிய கையுடை யானெதிர் கன்றினர்தம்
மனஞ்சாய வென்றருள் வாணன் வரோதயன் மாறைவெற்பிற்
சினஞ்சாலும் வேலண்ண லேமற வேலெம்மைச் செவ்வியிரு
தனஞ்சா யினுமினி நின்னையல் லாதில்லைத் தாழ்குழற்கே"

எனவும்,

1. நற்றிணை, செ: 376.

(பாடம்) 2. போலப் பலவுடன்.

3. 'சோலைத்தோன்றும்.'

4. மாற்றவற்கு

5. த. கோ. செ: 153.

6. ஐந்திணைஐம்பது, செ: 12.

7. த. கோ. செ: 154.