பேரமர் ¹மழைக்கண் மடந்தை
மூரன் முறுவலொடு மதைஇய நோக்கே

எனவும் வரும்.

தலைமகன் வறுங்கள நாடி மறுகற்குச் செய்யுள்:

²"செங்கேழ் விழிக்கு மொழிக்கும் பகைதிருப் பாற்கடலும்
பங்கே ருகமும் பயந்தன வாயினும் பைங்கிள்ளைகாள்
சங்கேய் தடந்துறை சூழ்தஞ்சை வாணன் றரியலர்போல்
எங்கே யினித்தங்கு வாரேனல் காத்திங் கிருந்தவரே"

எனவும்,

"கள்ளாவி நாறுங் கமழ்கூந்தற் காரிகையென்
உள்ளாவி சென்ற வழியறியேன்-றள்ளாத
மல்ல லருவி மலைநாடி வாய்திறந்து
சொல்லல் புரியாய் துணிந்து"

எனவும் வரும்.

தலைமகன் தலைமகள் வாழும் ஊர்நோக்கி மதிமயங்கற்குச் செய்யுள்:

³"பெறவரி தாலவள் பின்சென்ற நெஞ்சமும் பேணலர்க்கு
மறவரி தானன்ன வாணன்றென் மாறை வரைப்புனஞ்சூழ்
நறவரி தாழ்முல்லை நாண்மல ரோதி நகருமெனக்
குறவரி தாமென்செய் வேனென்று சோருமென் னோருயிரே"

எனவும்,

⁴"ஆடமை புரையும் வனப்பிற் பணைத்தோட்
பேரமர்க் கண்ணி யிருந்த வூரே
நெடுஞ்சே ணாரிடை யதுவே நெஞ்சே
யீரம் பட்ட செவ்வீப் பைம்புனத்
தோரே ருழவன் போலப்
பெருவிதுப் புற்றன்றா னோகோ யானே"

எனவும் வரும்.

இவற்றுள், முன்னைய இரண்டும் விலக்கற்குரிய; பாங்கி ஆடிடம் விடுத்துக்கொண்டு அகறலாகிய ஒன்றும் சேறற்குரித்து; ஏனைய நான்கும் கலக்கத்திற்குரிய

(40)

1. (பாடம்) 'மழைக்கண் கொடிச்சி.'

2. த. கோ. செ: 161.

3. த. கோ. செ: 162.

4. குறு. செ: 131.