தலைமகன் நெறியினதெளிமை கூறற்குச் செய்யுள்:

¹"வடுவரி நீள்கண்ணி யஞ்சலம் யாந்தஞ்சை வாணன்வெற்பிற்
கொடுவரி கேழற் குழாம்பொரு கொல்லையுங் குஞ்சரந்தேர்ந்
தடுவரி தாவு மடுக்கமுஞ் சூர்வழங் காறுமைவாய்க்
கடுவரி நாகந் தவர்மல்கு கல்லளைக் கானமுமே."

என வரும்.

பாங்கி அவனாட்டு அணியியல் வினாதற்குச் செய்யுள்:

²"பூந்தழை யாது மலைமலர் யாது புனையிழையுஞ்
சாந்தமும் யாது தடம்பொழில் யாது தரணியின்மேல்
மாந்தரில் வேளன்ன வாணன்றென் மாறைவளநகர்சூழ்
தேந்தரு சோலைவெற் பாவுங்க ணாட்டுறை செல்வியர்க்கே"

என வரும்.

தலைமகன் அவள் நாட்டணியியல் வினாதற்குச் செய்யுள்:

³"எந்நாட்டவரணி கூறியென் பேறிங் கிகல்வடிவேன்
மைந்நாட்ட வெண்முத்த வாணகை யாய்தஞ்சை வாணன்மண்மேல்
உந்நாட் டரிவைய ராடிடஞ் சாந்த மொளியிழைபூ
மொய்ந்நாட் டழையொடெல் லாமொழி யாமன்மொழி யெனக்கே."

என வரும்.

தலைமகற்குப் பாங்கி தன்னாட்டணியியல் சாற்றற்குச் செய்யுள்:

⁴"வகைகொண்ட மாந்தழை காந்தளம் போது மருப்பின்முத்தந்
தகைகொண்ட சந்தனச் சாந்தணிந் தாடுவர் தஞ்சையர்கோன்
மிகைகொண்ட தெவ்வரை வெந்கண்ட வாணன்வெற் பாவெமதூர்
நகைகொண்ட வல்லியன் னாரெல்லி நாக நறுநிழலே."

எனவும்,

⁵"ஆம்ப லணித்தழை யாரந் துயல்வருந்
தீம்புன லூரன் மகளிவ ளாய்ந்தநறுந்
சேமலர் நீலம் பிணையல் செறிமலர்த்
தாமரை தன்னையர் பூ."

எனவும் வரும்.

1. த. கோ. செ: 165.

2. த. கோ. செ: 166.

3. த. கோ. செ: 167.

4. த. கோ. செ: 168.

5. திணைமொழி ஐம்பது, 40.