¹"கொடுமுண் மடற்றாழைக் கூம்பவிழ்ந்த வொண்பூ
விடையு ளிழுதொப்பத் தோன்றிப் - புடையெலாந்
தெய்வங் கமழுந் தெளிகடற் றண்சேர்ப்பன்
செய்தான் றெளியாக் குறி."

எனவும் வரும்.

தலைமகன் புலந்து போதற்குச் செய்யுள்:

²"தேனுற்ற வாகையந் தார்த்தஞ்சை வாணனைச் சேரலர்போன்
மானுற்ற பார்வை மயில்பொருட்டாக வழிதெரியாக்
கானுற்ற கானற் சுனையிருள் வாய்வரக் கற்பித்தநீ
யானுற்ற நோய்களெல் லாம்படு வாயினி யென்னெஞ்சமே."

எனவும்,

³"குணகடற் றிரையது பறைதபு நாரை
திண்டேர்ப் பொரையன் றொண்டி முன்றுறை
யயிரை யாரிரைக் கணவந் தாங்குச்
சேய ளரியோட் படர்தி
நோயை நெஞ்சே நோய்ப்பா லோயே."

எனவும் வரும்.

புலர்ந்தபின் வறுங்களந் தலைவி கண்டிரங்கற்குச் செய்யுள்:

⁴"தாதகை தண்டலை சூழ்தஞ்சை வாணன் றடந்துறைவாய்
நீதகை கொண்டென்முன் னின்றனை யேசெந் நிறக்கனிவாய்
மேதகு முள்ளெயிற் றொண்முகைக் கொங்கை வெண்டோட்டுமென்பூங்
கேதகை யென்னுநல் லாய்கொண்கர் மாலை கிடைத்ததென்றே."

என வரும்.

தலைமகள் பாங்கியோடு உரைத்தற்குச் செய்யுள்:
⁵"தேனே ரலங்கல் புனைபுகழ் வாணன் செழுந்தஞ்சைசூழ்
கானேர் குறியிற் கனையிருள் வாய்வந்து காலுழத்தி
யானே கியபின்பு தாம்வந்து போன தியம்புதற்கோ
மானே யிறைவர்வைத் தார்பங்க சாதம் வலம்புரிக்கே."

எனவும்,

1. ஐந்திணை ஐம்பது. செ: 49.

2. த. கோ. செ: 193.

3. குறு. செ: 128.

4. த. கோ. செ: 194.

5. த. கோ. செ: 195.