"ஊருறு கோழிச் சிறுமாப் பேடை
சேவற் செய்குறி நீடின்
ஊடலு முணர்த்தலுங் கூடுமாற் பெரிதே."

எனவும் வரும்.

தலைமகள் அலர்பார்த்துற்ற அச்சக்கிளவிக்குச் செய்யுள்:

¹"மலருந் தொடைவஞ்சி வஞ்சக மாதரு மாரனும்வா
யலருந் தடங்கை யலருந் தொடாநிற்ப வஞ்சிநெஞ்சம்
பலரும் புகழ்தஞ்சை வாணர் பிரானைப் பணியலர்போற்
புலரும் பெயருங்கண் ணீர்புல ராது புலரினுமே."

எனவும்,

"அலரியாங் கொல்லதோ."

எனவும் வரும்.

தலைமகள் ஆறுபார்த்துற்ற அச்சக் கிளவிக்குச் செய்யுள்:

²"அரியுங் கரியும் பொருநெறிக் கோர்துணை யாயவர்மேற்
சொரியும் திவலை துடைக்கவென் றோகுழை தோய்ந்துநஞ்சும்
வரியும் பயில்கண்ணி வாணன்றென் மாறைநம் மன்னர்வந்து
பிரியும் பொழுதெல்லி வாய்வினை யேன்மனம் பின்செல்வதே."

எனவும்,

³"குன்றக் கூகை குழறினு முன்றிற்
பலவி னிருஞ்சினைக் கலைபாய்ந் துகளினும்
அஞ்சும னளித்தெ னெஞ்ச மினியே
ஆரிருட் கங்கு லவர்வரிற்
சார னீளிடைச் செலவா னாதே."

எனவும் வரும்.

காமமிக்க கழிபடர் கிளவிக்குச் செய்யுள்:

⁴"ஓதக் கயலையுண் டண்ணாந்து விக்கி யுடல்குலுக்கிப்
பாதத் துணைநிமிர்க் குங்குரு கீர்வெண் பணிலபங்க
சாதத் திருநிதி யன்னான் குலோத்துங்கன் தஞ்சையிலென்
காதற் சிறையுங் குறையுங்கண் டாரில்லைக் கன்னெஞ்சரே."

எனவும்,

1. த. கோ. செ : 219.

2. த. கோ. செ : 220.

3. குறு. செ : 153.

4. த. கோ. செ :