¹"புன்கண்கூர் மாலைப் புலம்புமென் கண்ணேபோல்
துன்பம் உழவாய் துயிலப் பெறுதியால்
இன்கள்வாய் நெய்தால்நீ யெய்துங் கனவினுள்
வன்கணார் கானல் வரக்கண் டறிதியோ."

எனவும் வரும்.

தன்னுட் கையாறெய்திடு கிளவிக்குச் செய்யுள்:

²"விண்டலை யாவர்க்கும் வேந்தர்வண் டில்லைமெல் லங்கழிசூழ்
கண்டலை யேகரி யாக்கன்னிப் புன்னைக் கலந்தகள்வர்க்
கண்டிலை யேவரக் கங்குலெல் லாமங்குல் வாய்விளக்கும்
மண்டல மேபணி யாய்தமி யேற்கொரு வாசகமே."

என வரும்.

தலைமகள் நெறிவிலக்குவித்தற்குச் செய்யுள்:

³"ஈன்றா ளினுமெனக் கன்புடையாய்சென் றிரந்துகொண்டு
சான்றாண்மை யன்பர் தமக்குரை நீதஞ்சை காவலனைத்
தேன்றாழ் வரைத்தமிழ் சேர்த்திய வாணனைச் சேரலர்க்குந்
தோன்றா விருங்கங்கு னீவரு மாறொழி தோன்றலென்றே."

எனவும்,

⁴"குறையொன் றுடையேன்மற் றோழி நிறையில்லா
மன்னுயிர்க் கேமஞ் செயல்வேண்டு மின்னே
யராவழங்கு நீள்சோலை நாடனை நம்மில்
இராவார லென்ப துரை."

எனவும் வரும்.

தலைமகள் குறிவிலக்குவித்தற்குச் செய்யுள்:

⁵"வெற்றி யவாவிய வாணர் பிரான்றஞ்சை வெற்பகத்திப்
பெற்றிய சோலைப் பிறங்கிருள் வாரன்மின் பேதையின்னும்
முற்றிய வேனற் படுகிள்ளை யோப்பு முறைமையளென்
றெற்றிய காதலி னாலிசைத் தாளன்னை யென்றுரையே."

எனவும்,

1. சிலப். கானல்வரி, 38.

2. திருச்சிற்றம்பலக் கோவையார், செ : 177.

3. கோ. செ : 223.

4. ஐந்திணை எழுபது, செ : 14,

5. த. கோ. செ : 224.