தலைமகனைப் பாங்கி விடுத்தற்குச் செய்யுள்:

¹"இல்லத் துறையு மிவள்பொருட் டானுமக் கியானுமொன்று
சொல்லத் தவிர்கிலன் சூழ்கழ லீர்சுடர் தோய்புரிசை
வல்லத் தமர்வென்ற வாணன்றென் மாறையில் வந்துவந்து
செல்லத் திருவுளம் வைத்தகல் வீர்நுந் திருநகர்க்கே."

என வரும்.

பாங்கி தலைவிக்கு அவன் செலவுணர்த்தற்குச்செய்யுள்:

²"நிலவேய் தரள நிரைத்தன்ன வாணகை நீலநிறக்
குலவேய் நிகர்பொற் றொடிநெடுந் தோளி குறுகிவரச்
செலவே கருதினர் செந்தமிழ் வாணன் செழுங்கமலத்
தலவே தியன்பெறு நாள்பெற்று வாழ்பவன் தஞ்சையிலே."

எனவும்,

³"சாரற் பலவின் கொழுந்துணர் நறும்பழ
மிருங்கல் விடரளை வீழ்ந்தென வெற்பிற்
பெருந்தே னிறாஅல் கீறு நாடன்
பேரமர் மழைக்கண் கலிழத்தன்
சீருடை நன்னாட்டுச் செல்லு மன்னாய்."

எனவும் வரும்.

தலைவி நெஞ்சொடு புலத்தற்குச் செய்யுள்:

⁴"குளித்தா ரிளங்கொங்கை யாவியி லாவி குளிர்ப்பநம்மை
யளித்தா ரகலத் தணைத்தகன் றாரன் றணங்கின்முன்னே
தெளித்தார் செழுந்தஞ்சை வாணனொன் னாரினஞ் சிந்தைநைய
வொளித்தா ரவரிங்ங னேநன்று நன்றிவ் வுலகியலே."

எனவும்,

⁵"அளித்தஞ்ச லென்றவர் நீப்பிற் றெளித்தசொல்
தேறியார்க் குண்டோ தவறு."

எனவும் வரும்.

சென்றோன் நீடலிற் காமமிக்க கழிபடர்கிளவிக்குச் செய்யுள்:

⁶"மயிலாடு தண்டலை மாறை வரோதயன் வாணனொன்னார்க்
கெயிலா கியகடற் கானலஞ் சேர்ப்பற் கிடையிருள்யான்

1. த. கோ. செ : 251.

2. த. கோ. செ : 252.

3. த. கோ. செ : 254.

4. ஐங்குறு, செ : 214.

5. த. கோ. செ : 253.$ (பாடம்) 'அளித்தாலளித்தக லத்தணைத்தாரன்.'

6. திருக்குறள் செ : 1154.